الماتىنىڭ عاشىقتارى ترامۆايمەن جۇرە المايتىن بولدى

استانا. قازاقپارات - الماتىدا 3,5 -جىل بويى جۇمىس ىستەپ كەلگەن جالعىز ترامۆاي-كافە ءوز جۇمىسىن توقتاتتى، دەپ حابارلايدى AlmatyNews ا ا ءتىلشىسى.

«قۇرمەتتى قوناقتار جانە دوستار! وكىنىشكە وراي، الماتى اكىمدىگىنىڭ شەشىمىمەن ترامۆاي دەپوسى جۇمىسىن ۋاقىتشا توقتاتۋىنا بايلانىستى ءبىز ءوز جۇمىسىمىزدى توقتاتۋعا ءماجبۇرمىز. سىزدەردىڭ بارلىقتارىڭىزعا راحمەت! بىزبەن بىرگە 3,5 جىل بويى تۋعان كۇندەرىڭىزدى، ايتۋلى داتاداعى مەرەكەلەردى، كەرەمەت كەشتەردى اتاپ وتتىڭىزدەر. ءبىز سىزدەرگە ءبىر شىنى كوفە ءىشىپ، مۋزىكا تىڭداپ قايتۋلارىڭىزعا جاعداي جاسادىق. ءبىز، ارينە قايتا جۇمىس ىستەۋگە تىرىسامىز. سوندىقتان ءبىز سىزدەرمەن قوشتاسپايمىز. ازىرگە ساۋ بولىڭىزدار دەيمىز»، - دەلىنگەن Almaty Tram Cafe اكىمشىلىگىنىڭ تاراتقان حابارلاماسىندا.

Baq.kz