وڭتۇستىك سۋداندا اپاتقا ۇشىراعان ۇشاق رەسەيلىك ەمەس بولىپ شىقتى

استانا. قازاقپارات - وڭتۇستىك سۋداندا اپاتقا ۇشىراعان ان-12 ۇشاعى رەسەيدىڭ اۋە كولىگىنىڭ فەدەرالدىق اگەنتتىگىندە تىركەلمەگەن.

ال ونىڭ ەكيپاجى ەرىكتى جالدامالى جۇمىسشىلار بولعان. بۇل تۋرالى رەسەي فەدەراتسياسى كولىك مينيسترلىگىنىڭ رەسمي وكىلى جاننا تەرەحوۆا مالىمدەپ وتىر.

ەسكە سالا كەتەيىك، بۇگىن وڭتۇستىك سۋدان استاناسى دجۋبادا اۋە كەمەسى اپاتقا ۇشىراپ، 41 ادام اجال قۇشقان ەدى. مارقۇمداردىڭ اراسىندا ۇشاق ەكيپاجى مەن جولاۋشىلارىنان بولەك ونىڭ قۇلاعان ورنىنداعى جەرگىلىكتى تۇرعىندار دا بار. باستاپقىدا ان-12 نىڭ رەسەيلىك اۋە كەمەسى ەكەنى تۋرالى حابارلانعان بولاتىن. الايدا الدىن الا مالىمەت بويىنشا ول وڭتۇستىك سۋداندا جۇك تاسۋمەن اينالىساتىن اۋە كومپانياسىنا تيەسىلى ەكەن.

www.24.kz