16:06, 04 - قاراشا 2015 | GMT +5
جاپونيانىڭ ەرلى- زايىپتىلارعا ارنالعان ەسكى زاڭى داۋ تۋدىردى
استانا. قازاقپارات - جاپونيا تۇرعىندارى 1898 -جىلى ەنگىزىلگەن ازاماتتىق زاڭنىڭ كونستيتۋتسياعا قارسى ەكەنىن العا تارتىپ وتىر.
ولاردىڭ ايتۋىنشا، زاڭدا ايەلدەردىڭ قۇقى ءبىرشاما شەكتەلگەن.
وتكەن عاسىردىڭ ەكىنشى جارتىسىندا قابىلدانعان زاڭ ءالى كۇنگە كۇشىن جوعالتپاعان. وندا ەرلى-زايىپتىلاردىڭ ءار ءتۇرلى تەكپەن تىركەلۋىنە تىيىم سالىنعان جانە اجىراسقان ايەل 6 اي ىشىندە تۇرمىسقا شىعۋعا قۇقىعى جوق ەكەندىگى كورسەتىلگەن. بۇل زاڭنىڭ بالا التى اي ىشىندە دۇنيەگە كەلگەن جاعدايدا، نارەستە اكەسىنىڭ كىم ەكەندىگى جونىندە داۋ تۋدىرماس ءۇشىن كەرەك دەيدى زاڭگەرلەر.
الايدا، جاپوندىق ايەلدەر اتالعان زاڭدى قايتا قاراۋعا ەلدىڭ جوعارى سوتىنا ارىز بەردى. قازىرگىدەي تەڭ قۇقىلى قوعامدا بۇل زاڭ ايەل ادامنىڭ بوستاندىعىنا شەكتەۋ قويادى جانە كونستيتۋتسياعا قايشى دەيدى ولار. سول سەبەپتى، جاپونيانىڭ جوعارى سوتى بۇل ماسەلەنى قايتا قاراۋدى جوسپارلاپ وتىر.
Baq.kz
