جىگىتىڭىز كوزىڭىزگە ءشوپ سالماسىن دەسەڭىز

استانا. قازاقپارات - وتباسى بولىپ، تاتۋ- ءتاتتى ءومىر سۇرگەن كۇننىڭ وزىندە كەز- كەلگەن ايەل ادامىن الاڭداتاتىن سۇراق: «كۇيەۋىم كوزىمە ءشوپ سالمايدى ما ەكەن؟» تىپتەن، جولداسىنان جات قىلىق بايقاماسا دا، ەستىگەن قۇلاق بار، كورگەن كوز بار، ساناعا ءتۇرلى وي سالارى انىق.

 ارينە، «وتاعاسى»، «اكەسى» دەپ كورسەتەتىن اتپالداي ازاماتتار دا جوق ەمەس. دەگەنمەن، دەمەسكە بولماس، ساقتانساڭ- ساقتايدى. جولداسىڭىز كوزىڭىزگە ءشوپ سالماس ءۇشىن... نە ىستەۋ كەرەك؟

 ماحابباتتىڭ ورنى بولەك، دەسە دە، اراداعى سىيلاستىق، قۇرمەت-وتباسىنى ساقتاپ قالاتىن ەڭ باعالى قاسيەتتەر. سوندىقتان، اركەز جولداسىڭىزدىڭ قاتەلىكتەرىنە تۇسىنىسپەۋشىلىكپەن قاراي ءبىلىڭىز. ول ءسىزدىڭ قولداۋىڭىزعا مۇقتاج. ونى تىڭداپ، قارسى شىقپاڭىز، ەر ادامدار ءوزىنىڭ ايتقانىن تىڭداتا بىلگەندى ۇناتادى. ەگەر دە ارادا تۇسىنىسپەۋشىلىكتەر ورناپ جاتسا، سابىرعا كەلگەننەن كەيىن اقىرىنداپ تۇسىندىرسەڭىز بولادى.

«جاقسى ءسوز جارىم ىرىس». «جىلى - جىلى سويلەسەڭ جىلان ىنىنەن شىعادى». وسىنى ۇمىتپاڭىز. جاقسى ءسوز، مەيىرىم جاندى جادىراتادى. بالالارىڭىز دا وسىنى ۇعىنىپ وسكەنى ءجون. «اكە، تەزىرەك كەل»، «مەن سەنى جاقسى كورەمىن» دەگەن سوزدەر، بار ەرلەر قاۋىمىن ۇيگە اسىعا جەتكىزەتىنى راس. بالالاردى عانا ەمەس، ءسىزدى دە كورۋگە اسىققانىن قالايسىز... تەك جان سۇلۋلىعىنا عانا ەمەس، ءتان سۇلۋلىعىنا دا ءمان بەرىڭىز. قاشان دا سۇلۋ، كورىكتى بولىپ جۇرۋگە تىرىسىڭىز. يميدجىڭىزدى وزگەرتۋدەن قورىقپاڭىز. كەرىسىنشە، جولداسىڭىز ءسىزدى جوعالتىپ الۋدان قورقۋى كەرەك. ءبىرقالىپتى بولۋدان اۋلاق بولىڭىز! كوپ ەركەكتەر ايەلىن «جاقسى كورمەگەننەن» كوزىنە ءشوپ سالمايدى، كوبىنەسە ولاردى ءبىرقالىپتى كەيىپ شارشاتىپ جىبەرەدى.

 ءۇيدىڭ جيناقى، ءساندى بولىپ تۇرعانى كىم- كىمگە بولماسىن ۇنايتىنى راس. ەر ادامنىڭ جۇرەگىنە تاماق ارقىلى دا جول تابۋعا بولادى. «اس ادامنىڭ ارقاۋى». كۇندە ءارتۇرلى تاعام دايىنداۋعا تىرىسىڭىز. ەڭ باستىسى، ءۇي جىلۋلىعى. ءۇيى تازا، تاماعى دايىن، ايەلى سۇلۋ، بالالارى تاربيەلى بولىپ وتىرسا قانداي ەركەكتىڭ بولماسىن كوڭىلى جايدارى. ال ءسىز وزىڭىزگە سەنىمدى بولىڭىز، ءسىزدىڭ قولىڭىزدان كەلەدى!

 anabol.kz