دوللار باعامى تاريحي رەكوردتان اسىپ ءتۇستى
استانانىڭ ايىرباس پۋنكتتەرىندە دوللاردى شامامەن 286-286,2 تەڭگەدەن ساتىپ الىپ، 287,2 -288 تەڭگەدەن ساتىپ جاتىر.
الماتىنىڭ ايىرباس پۋنكتتەرىندە دوللاردى شامامەن 285-285,7 تەڭگەدەن ساتىپ الىپ، 287-287,7 تەڭگەدەن ساتۋدا.
ايتا كەتەيىك، KASE تاڭعى سەسسيادا شەتەل ۆاليۋتاسى 284,28 تەڭگەگە جەتكەن ەدى. اقشا ايىرباستاۋ ورىندارى دوللاردى 283-287 تەڭگە ارالىعىندا ساتا باستادى. بۇعان دەيىن 9 -قاراشاداعى كەشكى سەسسيا كەزىندە دوللار 283,23 تەڭگە بولدى.
دوللاردىڭ قىمباتتاۋى ق ر ۇلتتىق بانكتىڭ بۇرىنعى ءتوراعاسى قايرات كەلىمبەتوۆ وتستاۆكاعا كەتكەننەن بەرى جالعاسىپ جاتىر. ەسكە سالا كەتەيىك، 2 -قاراشادا ق ر ۇلتتىق بانكتىڭ ءتوراعاسى اۋىستى. قايرات كەلىمبەتوۆتىڭ ورنىنا دانيار اقىشەۆ كەلدى. ساراپشىلار كەلىمبەتوۆتىڭ وزىنە جۇكتەلگەن مىندەتتى تولىقتاي ورىنداپ شىققانانىن ايتتى.
دوللار باعامى تاريحي رەكوردقا جەتكەندە ق ر ۇلتتىق بانكى دوللار باعامىن تومەندەتۋگە قاتىستى شارالاردى قولعا الدى. ينتەرۆەنتسيالار جۇرگىزىلدى. كەيىن قازاقستاننىڭ ۆاليۋتا نارىعىندا 2015 -جىلدىڭ 31 -قازانىنا دەيىن كەمىندە 3 ميلليارد ا ق ش دوللارى ساتىلادى دەپ جوسپارلانعانى انىقتالدى. باعام ۇزاق ۋاقىت بويى 270-280 تەڭگە دەڭگەيىندە ساقتالدى.
ايتا كەتەيىك، ۇلتتىق بانكتىڭ وكىلدەرى بۇعان دەيىن ينتەرۆەنتسيالار تۋرالى ساۋدا كۇنىنىڭ سوڭىندا حابارلاپ وتىرۋدى ۋادە ەتتى. الايدا دۇيسەنبىدەن بەرى باعام شارىقتاپ كەلە جاتسا دا ينتەرۆەنسيالار تۋرالى ءسوز بولعان جوق.
