تارازدىق بويجەتكەن قول كۇرەسىنەن ازيا بىرىنشىلىگىنىڭ كۇمىس جۇلدەسىن ولجالادى

استانا. قازاقپارات - تاراز مەملەكەتتىك پەداگوگيكالىق ينستيتۋتىنىڭ ستۋدەنتى انتونينا تاراسوۆا قول كۇرەسىنەن وتكەن اشىق ازيا بىرىنشىلىگىندە جەڭىمپاز اتاندى.

بۇل تۋرالى اتالعان وقۋ ورنىنىڭ باسپا ءسوز قىزمەتىنىڭ جەتەكشىسى جاندار اسان ءمالىم ەتتى.

78 كەلى سالماق دارەجەسىندە ونەر كورسەتكەن بويجەتكەن اقتىق سىندا وتانداسىنا جول بەرىپ، جارىستى كۇمىس جۇلدەمەن اياقتادى. 22 جاسار سپورتشى بۇعان دەيىن اتالعان سپورت تۇرىنەن الەم چەمپيونى اتانعان. حالىقارالىق دارەجەدەگى سپورت شەبەرىنىڭ جۇلدە قورجىنىندا جالپى سانى 61 مەدال بار.

«انتونينا 9 جىلدان بەرى اتالعان سپورت تۇرىمەن اينالىسادى. ول وسى ۋاقىت ارالىعىندا سپورتتىق كارەرادا ۇلكەن جەتىستىكتەرگە جەتىپ ۇلگەردى. الداعى ۋاقىتتار بەلەسىندە حالىقارالىق دەڭگەيدەگى دودالاردا جەڭىس تۇعىرىنان كورىنەتىنە ءشۇبامىز جوق»، - دەيدى ونىڭ جاتتىقتىرۋشىسى اسان سۇلەيمەنوۆ.

اۆتور: مارلان جيەمباي