بوسانعاننان كەيىنگى تەرىنىڭ سوزىلۋىمەن كۇرەسۋ جولدارى
اتالمىش پروبلەمامەن كۇرەسۋ وڭاي ەمەس. الايدا، پايداسى مول ءادىس- تاسىلدەردى نازارلارىڭىزعا ۇسىنىپ كورەلىك!
بوسانعانننان كەيىن ەكى اپتادان سوڭ بەلدىك ءىش كيىمىن ۇنەمى تاعىپ ءجۇرىڭىز. جيىرما كۇننەن كەيىن ونىڭ ورنىنا «بوسانعاننان كەيىن كيىلەتىن بانداج» قولدانعانىڭىز ءجون. ءبىراق، ۇيىقتار الدىندا شەشىپ قويۋدى ۇمىتپاڭىز.
ءاردايىم فيزيكالىق جاتتىعۋلار جاساپ تۇرىڭىز. ول جامباسىڭىزداعى، ىشىڭىزدەگى سوزىلىپ كەتكەن تەرىنى قاتايتادى.
مۇنداي جاعدايدا ماسساجدىڭ دا كومەگى زور. تەرىڭىزگە يكەمدىلىك، يىلگىشتىك سىندى قاسيەتتەردى قالىپتاستىرۋ ءۇشىن ماسساجعا بارىپ تۇرعانىڭىز دۇرىس.
ءجۇزۋ دە ءوز الدىنا فورماڭىزدى قالىپقا كەلتىرۋدە اسەرىن تيگىزەدى. سوندىقتان، باسسەينگە جازىلىڭىز.
تەرىنىڭ سوزىلۋىن جويۋ ءۇشىن ءۇي جاعدايىندا وسىمىدىك مايىمەن، تەڭىز بالدىرىمەن سىلاۋعا بولادى.
سونىمەن قاتار، بوسانعاننان كەيىن پايدالانۋعا ارنالعان ماي، كرەمدەردى دە ۇمىتپاڭىز. كۇندەلىكتى ومىردە كرەم، ماسكا، بالزام، سكراب ءبارىن قولدانا بەرىڭىز، ولار تەرىنىڭ سوزىلۋىنا كەرى اسەرىن بەرىپ جانە سوزىلىپ كەتكەن تەرىلەردىڭ تارتىلۋىنا كومەگىن تيگىزەدى.
بۇل تاسىلدەردىڭ پايداسى بولماسا، زيانى جوق، كومەكتەسەرى انىق. ەڭ باستىسى، ەرىنبەي اتالمىش شارالاردى جاساپ تۇرعانىڭىز ابزال. ىسكە ءسات!
