08:48, 04 - قاراشا 2015 | GMT +5
تايۆاندىق سۋرەتشى ۇيالى تەلەفونداردان اۆتوموبيل قۇراستىردى - كەسكىن
استانا. قازاقپارات - تايۆاندىق سۋرەتشى لين شي-پاو 25 مىڭ ەسكى موبيلدى تەلەفونداردان Formula 1 كولىگىن قۇراستىرىپ شىققان، دەپ حابارلايدى BBC.
ول قوقىستارعا تاستالعان ەسكى تەلەفونداردى جيناۋ ءۇشىن 4 جىل بويى الەمدى ارالاعان. ناتيجەسىندە جيناقتالعان موبيلدى تەلەفونداردى كولىك مودەلىنىڭ قاڭقاسىنا جاپسىرعان. جوباسىن جۇزەگە اسىرۋ ءۇشىن شي-پاو 30 مىڭ دوللار جۇمساعان.
«مەنىڭ ماقساتىم - الەمدەگى ەكولوگيالىق جاعدايدى جاقسارتۋ. مەن ادامدارعا قوقىسقا تاستالاتىن زاتتاردىڭ ونەر تۋىندىسىنا اينالدىرۋعا بولاتىنىن كورسەتكىم كەلدى. ونداي قالدىقتاردى قاجەتكە جاراتقان دۇرىس»، - دەيدى ول.
