مۇحيتدين يسا ۇلىنىڭ «ماڭگى مۇعجيزا» اتتى كىتاپىنىڭ تۇساۋكەسەرى ءوتتى - فوتو
جيىرما بەس جىلدىق دايىندىعىنان كەيىن قالامىن قولعا الىپ، قۇراننىڭ العاشقى پارا اياتتارىن ماعىنالىق جاعىنان اۋدارىپ، سوعان تەرەڭ ءتاپسىر جازعان مۇحيتدين يسا ۇلىنىڭ «ماڭگى مۇعجيزا» («قۇران شاپاعى» ) اتتى كىتابىنىڭ تۇساۋكەسەر ءراسىمى ءوتتى.
كىتاپتىڭ كولەمى ۇلكەن ءارى ءتورت ءجۇز بەتكە جۋىق. بۇرىنعى تاپسىرلەردەن بۇل ەڭبەكتىڭ ءبىر ەرەكشەلىگى - ءار ءبىر اياتقا جەكە- جەكە توقتالىپ، كەڭىنەن تۇسىنىك بەرىلگەن، دەپ حابارلايدى ق م د ب باسپا ءسوز قىزمەتىنەن.
تۇساۋكەسەر ءراسىمىن جۇرگىزگەن نايب ءمۇفتي سەرىكباي قاجى وراز وسى كىتاپقا ەرەكشە ءىلتيپاتىن بىلدىرە وتىرىپ: «مۇحيتدين يسا ۇلى باۋىرمىزدىڭ «ماڭگى مۇعجيزا (قۇران شاپاعى) اتتى مىنا ءبىرىنشى كىتابى جارىق كوردى. بۇل قۇران - ءسوزسىز، ماڭگى مۇعجيزا. بۇل جەردە ءتاپسىر مەن تاۋيلدىڭ ماعىنالارىن جانە كوپتەگەن تەرميندەرگە انىقتامالىق بەرىپ، سۇرەلەردىڭ بارلىعىنىڭ تاريحتارىنا توقتالعان. قۇراننىڭ اۋدارماسىن، ءتاپسىرىن جازىپ جۇرگەن ازاماتتار بار. بۇل جەردەگى مۇحاڭنىڭ ەرەكشەلەگى قۇراننىڭ مۇعجيزاسىن باسقا ءبىر قىرىنان ءالى دە كورىنبەي جاتقان، حالىققا جەتكىزە الماي جاتقان جاعىنان الدى دەپ ويلايمىن»، - دەدى.
بۇل مۇحيتدين يسا ۇلىنىڭ تاپسىرگە قاتىستى العاشقى كىتابى ەدى، الدا قۇراننىڭ سوڭعى پاراسىنا دەيىن تالاي كىتاپتار جازىلماق.
كىتاپقا زەر سالا قاراعان عۇلاما مۇشەلەرى دە ەڭبەككە قىزىعۋشىلىق تانىتىپ، ارىپتەسىنە اللادان مەدەت تىلەدى.
