قازاقستان پرەزيدەنتى ۇلى بريتانيانىڭ ىسكەر توپ وكىلدەرىمەن كەزدەستى

لوندون- استانا. قازاقپارات - قازاقستان پرەزيدەنتى نۇرسۇلتان نازاربايەۆ ۇلى بريتانيانىڭ ىسكەر توپ وكىلدەرىمەن كەزدەستى، دەپ حابارلايدى اقوردانىڭ باسپا ءسوز قىزمەتىنەن.

ءىس-شاراعا «Royal Dutch Shell», «BG Group», «Barclays Bank», «Vitol Group», «De La Rue», «Glencore»  جانە باسقا دا كومپانيالاردىڭ باسشىلارى قاتىستى.

مەملەكەت باسشىسى ءوز سوزىندە قازاقستاننىڭ ينفراقۇرىلىمدىق دامۋ، كولىك جانە تەلەكوممۋنيكاتسيا، تاماق جانە جەڭىل ونەركاسىپ، مەتاللۋرگيا جانە مۇناي حيمياسى سالالارىندا بەلسەنە جۇمىس ىستەپ جاتقاندارى ءۇشىن بريتان ينۆەستورلارىنا العىس ايتتى.

نۇرسۇلتان نازاربايەۆ بىرلەسكەن جۇمىستى جالعاستىرۋ ءۇشىن قاجەتتى الەۋەت بار ەكەنىن اتاي وتىرىپ، ەلىمىز ينۆەستورلارعا بىرەگەي جاعداي جاساۋ ءىسىن جالعاستىرا بەرەتىنىن ايتتى.