وسكەمەندەگى ءىرى مىس زاۋىتىنىڭ جەتىستىگى

استانا. قازاقپارات -  وسكەمەندەگى ءىرى  مىس زاۋىتىندا ءوندىرىستىڭ باستالعانىنا بۇگىن تۋرا ءتورت جىل تولىپتى. وسى كۇندى اتاپ وتكەن زاۋىت باسشىلىعى الداعى جوسپارلارمەن دە ءبولىستى،   ءوندىرىس ورنى بۇگىندە مىڭنان استام ادامدى جۇمىسپەن قامتاماسىز ەتىپ وتىرعانىندا ايتىپ ءوتتى. 

وسكەمەن مىس زاۋىتى - قازمىرىش كومپانياسىنىڭ ماقتان تۇتار ءوندىرىس ورىندارىنىڭ ءبىرى.   توقسان پايىز وتاندىق شيكىزاتتى قولداناتىن كاسىپورىن تەك  ون پايىز يمپورتتى شيكىزاتتى  قوسادى. ءوندىرىس كەزىندە ارتىلىپ قالعان ءونىم دە قايتا  وندىرىسكە جىبەرلەدى. ال  قاۋىپتى ەرتىندىلەر قاۋىپتىلىگى ورتاشا قوسپالارمەن ارالاستىرىلىپ،   ارنايى قويمالارعا قاتىرىلىپ قويىلادى.

امانگەلدى تىنىبايەۆ، ەسەپ، جوبالاۋ جانە مودەلدەۋ قىزمەتىنىڭ باستىعى:

- مىستى وندىرۋدە الىناتىن ونەركاسىپكە قاجەتتى زاتتار  تولىقتاۋ پايداعا اسىرلىپ، وندىرىستە قوسىمشا قولدانىلادى.

زاۋىت «جاڭا مەتاللۋرگيا» جوباسىنىڭ اياسىندا تۇرعىزىلعان. ونەركاسىپتىڭ قۇرىلۋىنا 2007 - جىلى شەتەلدەردەن كەلگەن ينجەنەرلەر ات سالىسقان.   ءبىر ميلليارد دوللار قارجى تارتىلىپ، قۇرىلىسىنا ءتورت جىل كەتكەن. بۇگىندە ءوندىرىسى دامىپ كەلە جاتقان زاۋىت اۋانى لاستايتىن قالدىقتاردىڭ كولەمىن ەكى ەسەگە ازايتقان.

ۋشكوۆ لەونيد، باس  مەتاللۋرگتىڭ ورىنباسارى:

- 1997 - جىلدارى شيكىزات قالدىقتارى جىلىنا 31 مىڭ تونناعا دەيىن جەتەتىن. 300 مىڭ عانا تۇرعىنى بار شاعىن قالاعا بۇل وتە كوپ مولشەر ەدى. بۇگىندە جىلىنا 15 مىڭ تونناعا دەيىن ازايتتىق.

مەتاللۋرگيالىق كەشەن مىرىش، مىس، اسىل مەتالل وندىرەتىن زاۋىت، كۇكىرت قىشقىلى مەن قورعاسىن سياقتى بەس بولىمنەن تۇرادى. وندىرىستە قولدانىلاتىن اۆستراليالىق تەحنولوگيا ازىرگە ەلىمىزدىڭ ەش جەرىندە جوق. مىس زاۋىتى توقسان پايىز جوبالىق وندىرىستەن تۇرعانىمەن، بولاشاعى اشىق. سولاردىڭ ءبىرى 0,01 قوسپادان تۇراتىن جوعارى ماركالى مىس الۋ.