ەندى قازاق ەرتەگىسىندەگى كەيىپكەرلەر وبرازى ناقتى ءبىر عانا بەينەمەن بەكىتىلمەك
مامانداردىڭ ايتۋىنشا، كىتاپتار مەن مۋلتفيلمدەردە ءبىر عانا الدار كوسەنىڭ جەتپىس ءتۇرلى بەينەسى كەزدەسەدى.
فيلولوگتار مەن تەولوگ ماماندار فولكلورلىق كەيىپكەرلەردىڭ ءتۇر- سيپاتى ناقتى قانداي بولۋى ءتيىس ەكەنىن بەكىتىپ، سۋرەتشىلەرگە تاۋسوعار، ساققۇلاق، كولتاۋىسار سىندى 34 وبرازدى ۇسىندى. بايقاۋ قورىتىندىسى بويىنشا 34 جەڭىمپاز انىقتالىپ، ولارعا 60 مىڭ تەڭگە كولەمىندە جۇلدە تاعايىندالعان. ۇزدىك سۋرەتتەر ءتورت مىڭ دانا بولىپ شىعاتىن كىتاپقا ەنەدى.
ايتا كەتەيىك، وقۋلىق يننوۆاتسيالىق تەحنولوگيالار كومەگىمەن بۇلدىرشىندەرگە انيماتسيالىق ءونىم دايىندايتىن مەكەمەلەرگە تەگىن تاراتىلادى. جوباعا مەملەكەت تاراپىنان 3 ميلليون تەڭگە بولىنگەن.
بيجومارت قاپالبەك، جوبا يدەياسىنىڭ اۆتورى.
- بالا قاي وقۋلىقتا ەرتوستىك ەكەنىن، قاي وقۋلىقتا جەلاياق، تاۋسوعار ەكەنىن بىلمەي، دال بولۋدا. ونىڭ استىنا ماتىنمەن جازىپ قويماسا، بالا ونى بىلمەيدى. ەسەسىنە، بالا شەتەلدەن كەلگەن گەرويلاردىڭ وبرازدارىن جاقسى تانيدى. وسى جوبانىڭ ماقساتى - ءبىز اتا- بابامىز تاستاپ كەتكەن مۇراداعى كەيىپكەرلەردى ءبىرىزدەندىرۋ.
