الماتى زووباعىندا جانۋارلاردىڭ بۋازدىعىن انىقتايتىن ۋ د ز پايدا بولماق

الماتى. قازاقپارات - الماتى حايۋاناتتار باعىندا جانۋارلارعا ارنالعان ۋ د ز (ۋلترادىبىستىق زەرتتەۋ) پايدا بولماق.

جاڭا قۇرال- جابدىقتى بۇگىن «ايالا» قورى سالتاناتتى تۇردە تابىستادى.

مەديتسينالىق اپپارات جانۋارلاردىڭ دەنساۋلىعىن تەكسەرىپ، بۋازدىعىن انىقتاۋدا كوپ كومەگىن تيگىزەدى.

ايتا كەتۋ كەرەك، بۇرىن زووباقتا مۇنداي قۇرال جوق بولاتىن. ماماندار جانۋارلاردىڭ دەنساۋلىعىن كەشەندى تۇردە تەكسەرە الماي كەلگەن. اسىرەسە، بۇيرەكتەگى، قۋىق بەزىندەگى تاس پەن قۇم بارىن انىقتاۋ قيىنعا سوققان. ەندى جاڭا جابدىقتىڭ كومەگىمەن ولاردا العاشقى كەزەڭدەگى بۋازدىعىن دا انىقتاۋعا بولادى. وسىعان وراي زووباق قىزمەتكەرلەرى جانۋارلاردىڭ قورەكتەنۋ راتسيونىن دا دەر كەزىندە وزگەرتە الادى.

الماتى حايۋاناتتار باعىندا جۇزدەگەن بالىق پەن مىڭنان اسا ءىرى جانۋار مەكەن ەتىپ كەلەدى.

اۆتور: گۇلميرا عوسمانالي