سينوپتيكتەر قاراشا ايىندا اۋا رايىنىڭ قانداي بولاتىنىن ايتتى
قاراشانىڭ ءبىرىنشى ون كۇندىگىندە سولتۇستىكتە، شىعىستا جانە ورتالىقتا قار جاۋادى. ال باتىس پەن وڭتۇستىك-شىعىستا قاراشانىڭ ءۇشىنشى ون كۇنىندە قار تۇسەدى. بۇل ايدا سۋىقتىڭ ءۇش تولقىنى كەلىپ جەتەدى، ول ءبىرىنشى جانە ەكىنشى ون كۇندىكتىڭ باسىندا، سونىمەن قاتار، ءۇشىنشى ون كۇندىكتىڭ ورتاسىندا.
سينوپتيكتەردىڭ مالىمەتىنشە، قاراشا ايىنىڭ ءۇشىنشى ون كۇندىگىنىڭ ورتاسىندا قاتتى اياز بولادى، ول كەزدەرى قازاقستاننىڭ سولتۇستىگىندە تۇنگى اۋا تەمپەراتۋراسى 20 گرادۋسقا دەيىن تومەندەيدى، كۇندىز 12 گرادۋس سۋىق بولادى. ال ەلىمىزدىڭ وڭتۇستىگىندە تۇندە - 10 گرادۋس، كۇندىز 5 گرادۋس سۋىق بولادى.
ايتا كەتەيىك، بۇعان دەيىن سينوپتيكتەر 3-5- قاراشاعا ارنالعان اۋا رايى بولجامىن جاريالادى. سينوپتيكتەردىڭ مالىمەتىنشە، 3-5- قاراشا ارالىعىندا قازاقستاننىڭ سولتۇستىك بولىگىندە قار جاۋىپ، بوران سوعادى، ال وڭتۇستىكتە تۇمان ءتۇسىپ، جاۋىن جاۋىپ ، جولداردا كوكتايعاق بولادى.
«وڭتۇستىك-باتىس جەلىنىڭ كۇشەيۋىنە بايلانىستى رەسپۋبليكا بويىنشا ايازدىڭ بەتى قايتادى: ەلىمىزدىڭ باسىم اۋماعىندا تۇندە 0-5 گرادۋس سۋىق، كۇندىز 3-3+گرادۋس جىلى بولادى، ال وڭتۇستىكتە تۇندە 0-5، كۇندىز 3-10 گرادۋس جىلى بولادى»، - دەپ حابارلادى مەتەورولوگتار.
