ءومىرىڭنىڭ سوڭى جەتكەنشە
وسى ساتتە كوكەسى يبراھيم بين ءماھدي ىشكە كىرىپ كەلەدى.
مامۋن ول كىسى جايعاسقاننان كەيىن:
- كوكە مىنا عالىمداردىڭ ايتقانىنا ءسىز نە ايتاسىز؟ - دەيدى پىكىرىن بىلمەك بولىپ. كوكەسى:
- ەي، مۇمىندەردىڭ باسشىسى! ءوزىڭ بىلەسىڭ، بالا كەزىمىزدە ءبىزدى ءبىراز دۇنيەلىڭ ىستەرمەن بايلاپ تاستادى. ال ەندى قارتايعان شاعىمىزدا ءبىز ءوزىمىزدى باسقا نارسەلەرمەن اۋرە قىلىپ قويدىق. وسىلاي ءجۇرىپ ءىلىم دەگەننەن ماقۇرىم قالدىق، - دەيدى. مامۋن ساۋالىن ونان ءارى جالعاپ:
- ال، قازىر ءبىلىم الۋىڭىزعا نە كەدەرگى؟ - دەيدى.
- اۋ، مىنا ءبىز سەكىلدى قارتايعان ادامعا ەندى وقىعان جاراسا ما؟ - دەيدى كوكەسى باۋىرىنا وڭ جاۋاپ بەرگەن كەيىپ تانىتىپ.
مامۋن كوكەسىنىڭ مىنا سوزىنە كوڭىلى تولماي: «ءيا، اللانىڭ اتىمەن انت ەتەيىن ءبىلىم جولىندا ءجۇرىپ ءولۋ - ناداندىققا قاناعات ەتىپ ءومىر سۇرگەننەن دە قايىرلى، - دەيدى. باۋىرىنىڭ ءسوزى سۇيەكتەن وتكەن بولسا كەرەك.
- ماعان قاشانعا دەيىن وقىعان جاراسادى؟ - دەيدى كوكەسى يبراھيم بين ءماھدي. سوندا مامۋن ەش تاپجىلماستان:
- ءومىرىڭنىڭ سوڭى جەتكەنشە، - دەپ كوكەسىنە جاۋاپ بەرگەن ەكەن.
«ummet.kz» رۋحاني - اقپاراتتىق پورتالى
