ەگىز جۇلدىزدار: كىم كىمگە ۇقسايدى؟
Comode الىسقا كەتپەي، سول جۇلدىزدىق ۇقساستىقتاردى وتاندىق ونەر يەلەرىنەن ىزدگەندى ءجون كوردى.
اقبوتا-نۇر سەيتماعانبەت (كەشيۋ) - فاحريە ەۆدجەن
قازاقستاندىق ۇزدىك girls band بولىپ تابىلاتىن «كەشيۋ» توبىنىڭ مۇشەسى اقبوتا نەمىس ەلىندە تۋىپ-وسكەن تۇرىك اكتريساسى فاحريە ەۆدجەننىڭ تۋعان ءسىڭىلىسى سياقتى.
فاحريە ەۆدجەن ستۋدەنت كەزىنەن كوپتەگەن فيلمدەر مەن تەلەحيكايالارعا تۇسكەنىنە قاراماستان، ءبىز ونى «كورولەك - پتيچكا پيەۆچايا» فيلمىندەگى فاريدەنىڭ رولىنەن جاقسى بىلەمىز.
ديلاني - تيماتي
27 جاسار ديلاني مەن 32 جاسار تيماتيدى ءبىر-بىرىنە ۇقساتپاۋ قيىن. ەكەۋى دە ءوز ەلدەرىندەگى تانىمال انشىلەر، ەكەۋنىڭ دە باعىتى رەپ پەن RnB، ەكەۋىنىڭ دە جەكە پروديۋسسەرلىك ورتالىقتارى بار، ەكەۋى دە ءبىر قىزدىڭ اكەسى. ىزدەي بەرسەڭ، دەنەسىندەگى تاتۋ سۋرەتتەرىنەن دە ۇقساستىق تابۋعا بولادى.
ايسۇلۋ ازىمبايەۆا - ودري توتۋ
تەاتر ونەرىندە جاڭا بەلەستەردى باعىندىرىپ جاتقان ايسۇلۋدى كوپ ادامدار فرانسۋز اكتريساسىنا ۇقساتاتىن كورىنەدى.
شىنىمەن دە، ەكەۋىنىڭ كەلبەتىندە دە، ويناقى كەلگەن مىنەز-قۇلقىندا دا ءبىرشاما ۇقساستىقتار بار سياقتى. 20 جاسىندا العاش رەت كينوعا تۇسكەن ودريدىڭ ونەردەگى جولى دا ايسۇلۋعا بۇيىرتسا، جامان ەمەس.
جانار دۇعالوۆا -ايساۋلە باقىتبەك
بۇل ەكەۋىن سۋرەتتەن كورگەندە اجىراتا الاماي قالاتىن ادامدار بار. بايان ماقسات قىزىنىڭ جوباسىنداعى قىزدار سۇلۋلىق جاعىنان ءبىر-بىرىنە ۇقسايدى دەپ ايتاتىن ادامدار، سول سۇلۋلىقتىڭ پروتوتيپى رەتىندە پروديۋسەر ءوز قىزىن العان با دەيدى.
بايان ەسەنتايەۆا -ايگۇل يمانبايەۆا
ەندى بايان حانىمنىڭ وزىنە كەلەتىن بولساق، ونىڭ ايگۇل يمانبايەۆامەن ۇقساستىعىن ايتىپ كەتپەسە بولمايدى.
كەيدە ادەيى بىردەي كيىنىپ، شاش ۇلگىسىن بىردەي قىلىپ قالىڭ جۇرتتىڭ الدىنا شىققان ەكى ارۋ ءبىر انادان تۋعان اپكەلى-ءسىڭلىلى ەگىزدەر بولىپ كورىنەتىندەرى دە بار.
قارلىعاش مۇحامەتجانوۆا - سون حە گە
ۇزاق ۋاقىت بويى قازاقستاننىڭ ەڭ سۇلۋ اكتريسالار شەرۋىن باستاپ جۇرگەن قارلىعاش، كارىس فيلمدەرىنىڭ جۇلدىزى سون حە گەعا ۇقسايتىنىن ءوزى دە بىلەتىن شىعار.
الايدا، قارلىعاشتىڭ ونەردەگى جەتىستىكتەرى وڭتۇستىك كورەيا اكتريساسىنىڭ جەتىستىكتەرىنە ۇقساماسا بولعانى. سون حە گەنىڭ كينوداعى رولدەرى كوپ جاعدايدا تومەن باعاعا يە بولىپ جاتىر.
اناستاسيا روسسوشانسكايا -ايشۆاريا راي
اي دەسە اۋزى، كۇن دەسە كوزى بار سۇلۋ اناستاسيا ءۇندى اكتريسا ايشۆاريا رايعا شىنىمەن دە قاتتى ۇقسايدى.
ۇقساستىق تەك سىرت كەلبەتىمەن بىتپەيدى. ەكەۋى دە بىرنەشە ۇلتتىڭ قانى ارالاسقان جاندار. بۇعان قاراعاندا، مەتيستەر سۇلۋ بولادى دەگەن راس ەكەن.
ماقپال يسابەكوۆا - دجەننيفەر لوپەز
ماقپال - وتاندىق شوۋ بيزنەستەگى ەڭ كوپ تالقىلاناتىن جان. سونداي تالقىلاۋلاردىڭ ءبىرى - «ماقپال دجەنيفەر لوپەسكە ۇقسايدى ما؟» دەگەن سۇراق.
جۇلدىزدىڭ كەيبىر سۋرەتتەرىنە قاراساڭ، شىنىمەن دە امەريكاندىق انشىدەن اينىمايتىن سياقتى. ال كەيبىر سۋرەتتەرىنە قاراساڭ ريانناعا دا ۇقسايدى.
سانجار ماديەۆ - مارك داكاسكوس
ال ەندى، ەر ازاماتتارعا كەلەيىك. مۇحيتتىڭ ارعى جاعىندا جۇرگەن مارك ءبىزدىڭ ەلىمىزدە وعان ۇقسايتىن اكتەر بار ەكەنىن بىلمەيتىن دە شىعار.
ال ءبىز بىلەمىز. مارك داكاسكوس كينودا العاشقى قادامدارىن باستاپ جۇرگەندە سانجار دۇنيە ەسىگىن ەندى اشىپ جاتقان ەدى. سوندىقتان، ماركپەن سالىستىرعاندا سانجاردىڭ الار اسۋلارى ءالى الدا.
الىشەر كارىموۆ -لي مين حو
تاعى دا ءبىر كارىس اكتەرىنا ۇقسايتىن وتاندىق جۇلدىز - الىشەر كارىموۆ. كوپ ادامدار ونىڭ لي مين حومەن ۇقساستىعى تەك شاش ۇلگىسىندە دەپ جاتادى. الايدا، الەۋمەتتىك جەلىدەن ەكەۋىنىڭ سۋرەتتەرىن ىرىكتەپ قاراساڭىزدار، بۇل تۇجىرىم قاتە بولىپ شىعادى.
نۇرلان ابدۋللين - ميحايل شۋفۋتينسكي
بۇل ەكەۋىن ۇقساتپاعان جان جوق شىعار. ەكەۋى دە تانىمال انشىلەر، ۇلگىلى اكە جانە سۇيىكتى جار. ودان باسقا ەكەۋى دە سوڭعى كەزدە ساحنادان مۇلدەم جوعالىپ كەتتى.
67 جاستاعى رەسەيلىك ورىنداۋشىنى تۇسىنۋگە بولسا، 51 جاسار نۇرلان اعامىزدان جاڭا اندەردى ءالى دە كۇتۋگە بولادى دەگەن ۇمىتتەمىز.
nur.kz
