سۋ ءىشۋدىڭ ءتارتىبىن بىلەسىز بە؟
ءشول قىسقاندا سۋدى بىردەن وتە كوپ مولشەردە جۇتىپ-جۇتىپ جىبەرەمىز.
اسىققاندا ءجۇرىپ، تۇرىپ تا ىشە بەرەمىز. ءبىراق سۋ ءىشۋدىڭ دە شاريعاتقا ساي ءوزىنىڭ ءتارتىبى بار:
تۇرەگەلىپ سۋ ىشۋدەن ساق بولايىق. اللا ەلشىسى ءبىر حاديستە-شاريفىندە بىلاي بۇيىردى:
«سىزدەردەن ءبىرىڭىز تۇرەگەلىپ تۇرىپ سۋ ىشپەسىن، ەگەر ۇمىتىپ سۋ ءىشىپ قويسا ونى بىردەن شىعارسىن». عالىمدار دا تۇرەگەپ تۇرىپ سۋ ءىشۋدىڭ اسقازانعا زيان ەكەنىن انىقتادى.
ءبىراق ءزامزام سۋى مەن دارەتتەن ارتقان سۋدى، تۇرەگەلىپ ىشۋگە رۇقسات ەتىلگەن.
سۋدى ىشپەستەن بۇرىن «بيسميللياح» دەپ ءىشىپ،
ءبىرىنشى دەمدە «ءالھامدۋليللاھ»
ەكىنشى دەمدە «ءاۋزۋ بيللاھي ءميناشايتانير راجيم».
ءۇشىنشى دەمدە «اللاھۋمماج ءالھۋ شيفا ءان مين كۋللي دا ين»، دەپ ايتۋ كەرەك.
ءاربىر دەم العاندا سۋدى جوعارى كوتەرۋ كەرەك، ياعني سۋدىڭ ىشىنە ۇرلەمەۋ كەرەك.
سۋدى جانۋارلار سياقتى ءسۇزىپ ىشپەۋ كەرەك. باۋىرعا زيان.
كولدەن نەمەسە بۇلاقتان ەڭكەيىپ جانۋارلار سياقتى سۋ ىشپەۋ كەرەك. ەگەر ىدىس بولماسا، ادەپتىلىك زاڭى بويىنشا وڭ قولمەن ىشكەن دۇرىس.
