قازاقستاندىق شەكارا بەكەتتەرىندە ۇزىنسونار كەزەك قىسقاردى

استانا. قازاقپارات - بەكەتتەردە ۇزىنسونار كەزەك قىسقاردى.

كەدەن شەكاراسىنداعى كولىك وتكىزۋ پۋنكتەرىندەگى تەكسەرۋ جۇمىستارىنىڭ ۋاقىتى %25 عا دەيىن ازايعان.

بۇل تۋرالى مەملەكەتتىك كىرىستەر كوميتەتى مالىمدەدى. بىلتىرعا دەيىن ەلدەگى 11 بەكەتتە 5 ورگان باقىلاۋ جۇمىستارىن جۇرگىزگەن. بيىل اقپاننان باستاپ بۇل وكىلەتتىلىك اۋىل شارۋاشىلىعى مينيسترلىگى مەن مەملەكەتتىك كىرىستەر كوميتەتىنىڭ قۇزىرەتىنە ءوتتى.

ولار ۆەتەرينارلىق جانە فيتوسانيتارلىق باقىلاۋدى جۇزەگە اسىرادى. سونىمەن قاتار جەلتوقسان ايىنىڭ اياعىنا دەيىن اۋىل شارۋاشىلىعى مينيسترلىگىنىڭ 90 كاسىبي مامانىنىڭ شتاتى مەملەكەتتىك كىرىستەر كوميتەتىنە وتەدى.

قايرات ماۋبايەۆ، ق ر ق م مەملەكەتتىك كىرىستەر كوميتەتىنىڭ باسقارما باسشىسى:

- بۇرىن مىسالى كەدەندىك شەكارالىق بەكەت ارقىلى ءوتۋ ءۇشىن  مەملەكەتتىك 5 باقىلاۋ تۇرلەرى ءوتىپ، ءار مەملەكەتتىك ورگانعا كەلىپ ءوز قۇجاتتارىن تاپسىرۋ كەرەك بولاتىن. ال قازىر ول پروتسەسس الدەقايدا قىسقارتىلىپ، ءبىر لاۋازىمدى ادامعا قۇجاتتارىن بەرۋ ارقىلى وسى باقىلاۋ تۇرلەرىنەن وتە الادى.

www.24.kz