جالاڭتوس ءباھادۇر بابامىزدى ەسكە الۋعا ارنالعان بوكستان رەسپۋبليكالىق تۋرنير وتەدى

قىزىلوردا. قازاقپارات - 5- قاراشا كۇنى قىزىلوردا قالاسىندا جالاڭتوس ءباھادۇر بابامىزدى ەسكە الۋعا ارنالعان بوكستان 2000-2002-جىلدارى تۋىلعان جاسوسپىرىم قىزدار مەن 2002-2003-جىلدارى تۋىلعان جاسوسپىرىم ۇلدار اراسىندا رەسپۋبليكالىق تۋرنير باستالادى، دەپ حابارلادى وبلىستىق دەنە شىنىقتىرۋ جانە سپورت باسقارماسىنىڭ باسپا ءسوز قىزمەتىنەن.

جارىس قىزدار اراسىندا 5 سالماقتا، ۇلدار اراسىندا 18 سالماق دارەجەسىندە وتكىزىلەدى. اتالمىش جارىس بيىل وبلىستا توعىزىنشى مارتە ۇيىمداستىرىلۋدا.

ءدۇبىرلى دودا 5- قاراشا كۇنى ساعات 14:00-دە باستالادى، سالتاناتتى اشىلۋى ساعات 15:00-دە ج. ءباھادۇر اتىنداعى وبلىستىق دارىندى بالالارعا ارنالعان سپورتتىق مەكتەپ-ينتەرناتتىڭ بوكس زالىندا وتەدى.

جەڭىمپازدار مەن جۇلدەگەرلەردىڭ ەسىمدەرى 8- قاراشا كۇنى بەلگىلى بولادى.