بەرليندە م. اۋەزوۆتىڭ «اباي جولى» رومان-ەپوپەياسىنىڭ نەمىس تىلىندەگى نۇسقاسىنىڭ تۇساۋى كەسىلدى
ونىڭ بارىسىندا «قازاق كىتاپحاناسى» جوباسى اياسىندا مۇحتار اۋەزوۆتىڭ «اباي جولى» رومان-ەپوپەياسىنىڭ نەمىس تىلىندەگى نۇسقاسىنىڭ تۇساۋى كەسىلدى.
شاراعا نەمىس ادەبيەتتانۋشىلارى، گەرمانيا جانە قازاق دياسپوراسىنىڭ زيالى قاۋىم وكىلدەرى مەن قازاقستاندىق ستۋدەنتتەر قاتىستى.
ءوزىنىڭ كىرىسپە سوزىندە گەرمانياداعى ق ر ەلشىسى بولات ءنۇسىپوۆ قاتىسۋشىلاردى قازاقستاننىڭ باي تاريحىمەن جانە مادەنيەتىمەن تانىستىرىپ ءوتتى. سونداي-اق ول قازاق حالقىنىڭ مادەنيەتى مەن تاريحىن تانىتۋ ماقساتىندا جۇزەگە اسىرىلىپ جاتقان «قازاق كىتاپحاناسى» جوباسى جايلى ايتىپ بەردى.
مۇحتار اۋەزوۆتىڭ «اباي جولى» رومان-ەپوپەياسىنىڭ ەكىنشى تومىنىڭ تۇساۋىن كەسكەن ب. ءنۇسىپوۆ كىتاپ اۆتورىنىڭ قازاق حالقىنىڭ ادەبي مۇراسىنا قوسقان ەرەن ەڭبەگىن اتاپ ءوتتى.
شارا بارىسىندا نەمىس ادەبيەتتانۋشىلارى، «قازاق كىتاپحاناسى» جوباسىنىڭ قولعا الۋشىلار لەونارد كوشۋت پەن كريستينە ليحتەنفەلد بايانداما جاسادى. ولار اتالعان جوبانىڭ ارقاسىندا قازاقستاننىڭ بىرەگەي مادەنيەتى مەن ادەبيەتى ەۋروپالىق قاۋىمداستىق ءۇشىن قولجەتىمدى بولا باستاعانىن جەتكىزدى.
«قازاق كىتاپحاناسى» جوباسى گەرمانياداعى قازاقستان ەلشىلىگىمەن 2006-جىلدان بەرى جۇزەگە اسىرىلىپ كەلەدى. جوبا قازاق مادەنيەتى مەن قازاق جازۋشىلارىنىڭ شىعارماشىلىعىن گەرمانيا مەن ەۋروپادا تانىتۋدى كوزدەيدى. ونىڭ اياسىندا قازاقستاندىق اۆتورلاردىڭ 20 دان استام ەڭبەكتەرى جارىق كوردى. سونىڭ ىشىندە ق ر پرەزيدەنتى ن. نازاربايەۆتىڭ «ەۋرازيا جۇرەگىندە»، «قازاقستان جولى» اتتى ەڭبەكتەرى مەن م. اۋەزوۆتىڭ، ت. احتانوۆتىڭ، ءى. ەسەنبەرليننىڭ، م. ماقاتايەۆتىڭ، د. دوسجاننىڭ، ف. وڭعارسىنوۆانىڭ، گ. بەلگەردىڭ، ءا. نۇرپەيىسوۆتىڭ، ءا. كەكىلبايەۆتىڭ، و. سۇلەيمەنوۆتىڭ تۋىندىلارى بار.
