ا ق ش ارال تەڭىزىنىڭ پروبلەماسى سالدارىن جويۋعا قولداۋ كورسەتەدى - دجون كەرري
بۇگىن نازاربايەۆ ۋنيۆەرسيتەتىندە وتكەن دارىستە ا ق ش مەملەكتتىك حاتشىسى دجون كەرري وسىلاي ءمالىم ەتتى.
«ءبىز سونىمەن قاتار، كليماتتىڭ وزگەرۋىنە قاتىستى جاعدايدى جاقسارتۋ جوسپارى بويىنشا سەرىكتەسپىز، سونداي-اق ارال تەڭىزى پروبلەماسى سالدارىن جويۋ تۇرعىسىندا باعدارلامانى قولدايمىز. مۇنىمەن قوسا، ءبىز ورتالىق ازياداعى وزەن باسسەيندەرىن قولداۋعا نەگىزدەلگەن باعدارماعا قاتىسامىز»، - دەدى ا ق ش مەملەكەتتىك حاتشىسى.
وسى ورايدا ول ەكولوگيا سالاسى جانە «جاسىل» تەحنولوگيالاردى دامىتۋ باعىتىندا جەكە كومپانيالار مەن ۋنيۆەرسيتەتتەردى تارتۋ كەرەكتىگىن اتاپ ءوتتى.
«جاڭا تەحنولوگيالاردى ازىرلەۋ مەن وسى تۇرعىداعى پرەزيدەنت نۇرسۇلتان نازاربايەۆتىڭ جوسپارىن قولداۋ ءۇشىن ءبىز جەكە كومپانيالارمەن، ۋنيۆەرسيتەتتەرمەن، ياعني نازاربايەۆ ۋنيۆەرسيتەتى سەكىلدى وقۋ ورىندارىمەن بىرلەسە جۇمىس ىستەي الامىز»، - دەدى دجون كەرري.
اۆتور: رۋسلان عابباسوۆ
