04:18, 03 - قاراشا 2015 | GMT +5
ءبىر ايدا ەۋروپاعا بارعان ميگرانتتاردىڭ سانى جىلدىق رەكوردقا جەتتى
استانا. قازاقپارات - 2015 -جىلدىڭ قازان ايىندا شامامەن 220 مىڭ بوسقىن ەۋروپاعا كەلدى، دەپ جازدى lenta.ru.
بۇل جىل باسىنان رەكوردتىق كورسەتكىشكە اينالدى، دەپ حابارلادى Reuters ب ۇ ۇ بوسقىندار ءىسى بويىنشا جوعارعى كوميسسار باسقارماسىنىڭ باسپا ءسوز قىزمەتكەرى ەدريان ەدۆاردسقا سىلتەمە جاساپ.
«بۇل - تاريحتاعى ايلىق كورسەتكىش بويىنشا ەڭ جوعارعىسى. سونداي- اق شامامەن وتكەن جىلى كەلگەن كەلىمسەكتەردىڭ جالپى سانىنا سايكەس»، - دەدى ەدۆاردس. باسقارما اقپاراتىنشا، 2011 -جىلدىڭ ساۋىرىنەن 2015 -جىلدىڭ قىركۇيەگىنە دەيىن سيريالىق كەلىمسەكتەردىڭ جارتى ميلليوننان استامى ەو ەلدەرىنىڭ بيلىگىنەن بوسقىن دارەجەسىن بەرۋىن سۇرادى.
كەلىمسەكتەر كۇن سۋىتقانعا دەيىن ەۋروپاعا جەتۋگە تالپىنادى.
سيرياداعى ازاماتتىق سوعىس 2011 -جىلى باستالعان. قازا تاپقانداردىڭ سانى 230 مىڭ ادامنان استى، بوسقىندار سانى - 4 ميلليون.
