ا ق ش مەملەكەتتىك حاتشىسى ستۋدەنتتەر الدىنداعى ءدارىسىن قازاق تىلىندە باستادى

استانا. قازاقپارات - ا ق ش مەملەكەتتىك حاتشىسى دجون كەرري نازاربايەۆ ۋنيۆەرسيتەتىندە ستۋدەنتتەرگە ارنالعان ءدارىسىن قازاق تىلىندە باستادى.

ءدارىسحاناعا كىرگەن بويدا ول: «قايىرلى كۇن! قوش كەلدىڭىزدەر!» دەدى ستۋدەنتتەرگە قاراتىپ ايتقان سوزىندە. بۇدان كەيىن دجون كەرري گەننادي گولوۆكين جايىندا ايتا كەلە، قازاقستان بوكسشىسى سپورتتا ءوزىن جوعارى دەڭگەيدە كورسەتە العاندىعىن اتاپ ءوتتى.

سونىمەن قاتار ول ەجەلدەن ورتالىق ازيا ساۋدا جەلىسى دامىعان ۇلكەن ءوڭىر بولعانىن، قازاقستان وسى ساۋدادا ماڭىزدى جەر بولعانىن ءسوز ەتتى. ونىڭ سوزىنە قاراعاندا، ا ق ش ورتالىق ازياداعى مەملەكەتتەرمەن ءاردايىم ىنتىماقتاستىقتى جالعاستىرۋعا مۇددەلى.

«ءبىز بىرلەسە وتىرىپ ەۋرازيا نارىقتارىن ەۋروپامەن جانە قىتايمەن بىرىكتىرە الامىز جانە ودان بارلىقتارى ۇتادى. ا ق ش وسىنى تۇسىنەدى، سونداي-اق ءبىز ورتالىق ازيانى قولدايمىز»، - دەدى دجون كەرري.

اۆتور: رۋسلان عابباسوۆ