ساقالىڭدى سيپاما

استانا. قازاقپارات - اللا تاعالا ەڭ العاش جەر بەتىنە يەلىك ەتۋ ءۇشىن ابىلەت پەن تابىلەت دەگەن ەكى ماقۇلىقتى جىبەرەدى.

ولارعا قاقپار تاستان ءۇي سالىپ بەرىپ:

- سەندەردى جەر بەتىنە جىبەردىم. قاقپار(؟) تاستان ءۇي تۇرعىزدىم. ادەپتەن اسپاي، مەنىڭ بەرگەن نىعمەتتەرىمە شۇكىرشىلىك ەتىپ، ءسان- سالتاناتپەن تاتۋ-ءتاتتى تىرشىلىك كەشىڭدەر. ۇرپاقتارىڭدى كوبەيتىڭدەر. ءبىراق، نەكەسىز، دارەتسىز قوسىلماڭدار، ۇرپاقتارىڭ ازادى، - دەيدى.

ولار ءمىنسىز، سۇلۋ بولعاندىقتان ءبىر- ءبىرىن كورىپ ىنتىقتى. اللانىڭ ءامىرىن ۇمىتىپ، نەكەسىز قوسىلادى. ودان ءىبىلىس تۋادى. ولاردىڭ ءبىرىنشى ۇرپاعى نەكەسىز بولعاندىقتان، تابىلەتتىڭ تولعاعى اۋىر بولىپتى. ول ءىبىلىستى قارا تاستىڭ ۇستىندە بوسانادى. سول كەزدە ءىبىلىس يەگىمەن قارا تاسقا قۇلاپ تۇسەدى. سودان يەگى ەكىگە جارىلىپ، ويىلىپ قالادى. قازاقتاعى «يەگىڭ تاسقا تيگىر» دەگەن قارعىسى وسىدان قالعان ەكەن.

ءىبىلىس كەيىن ەرجەتكەندە يەگىندەگى جىرىقتى جاسىرۋ ءۇشىن قاۋعاداي ەتىپ ساقال قويىپتى. ءبىراق، ساقالىن جەل ۇشىرىپ، يەگىندەگى جىرىق كورىنىپ قالادى ەكەن. ءىبىلىس ادام كەيپىندە ەل ىشىنە كىرگەندە ساقالى اشىلىپ كەتپەس ءۇشىن ۇنەمى ەكى قولىمەن سيپاي بەرەدى ەكەن. وسىعان بايلانىستى قازاقتا «ساقالدى سيپاي بەرمە، شايتان قاعىپ كەتەدى» دەگەن ىرىم قالىپتى.

degdar.kz