دجون كەرري ايگىلى اپورت الماسىنىڭ ءدامىن تاتتى

استانا. قازاقپارات - بۇگىن ەلىمىزدىڭ سىرتقى ىستەر ءمينيسترى ەرلان ىدىرىسوۆ تا استاناعا رەسمي ساپارمەن كەلگەن ا ق ش- تىڭ مەملەكەتتىك حاتشىسى دجون كەرريمەن كەزدەستى.

ەكى مەملەكەت اراسىنداعى ستراتەگيالىق ارىپتەستىكتى نىعايتۋ ءۇشىن قوس تاراپ ءبىرقاتار كەلەلى كەلىسىم جاساستى.

ونىڭ ىشىندە نۇرسۇلتان نازاربايەۆ پەن باراك وبامانىڭ تاپسىرمالارىن ناتيجەلى جۇزەگە اسىرۋ تۋرالى ۋاعدالاستىق بار. ەندى ەلىمىزدىڭ دۇنيەجۇزىلىك ساۋدا ۇيىمىنا قوسىلۋى ارقىلى اقش- پەن ساۋدا- ەكونوميكالىق قاتىناس ودان ءارى كەڭەيەتىن بولدى. دجون كەرري قازاقستاندىق عالىمداردىڭ ەنەرگەتيكا سالاسىنداعى تىڭ جوبالارىن دا جوعارى باعالادى. سونداي-اق ول «ەكسپو-2017» كورمەسىنە قاتىسۋدى امەريكاندىق تاراپ الداعى ۋاقىتتا رەسمي تۇردە راستايتىنىن مالىمدەدى. كەزدەسۋ بارىسىندا ەرلان ىدىرىسوۆ مارتەبەلى مەيمانعا ايگىلى اپورت الماسىن ۇسىندى.

ەستەرىڭىزگە سالا كەتەيىك، ا ق ش- تىڭ مەملەكەتتىك حاتشىسى تاياۋدا وسى سۇرىپتى ءونىمنىڭ ساپاسىنا تاڭدانىسىن بىلدىرگەن بولاتىن.

www.24.kz