17:46, 02 - قاراشا 2015 | GMT +5
دجون كەرري ەلورداداعى «ازىرەت سۇلتان» مەشىتىنە سىي جاسادى
استانا. قازاقپارات - ا ق ش- تىڭ مەملەكەتتىك حاتشىسى دجون كەرري ازىرەت سۇلتان مەشىتىنە سىي جاسادى، - دەپ حابارلايدى muslim.kz.
استانا. قازاقپارات - امەريكا قۇراما شتاتتارىنىڭ مەملەكەتتىك حاتشىسى دجون كەرري قازاقستانعا ساپارمەن كەلگەن بولاتىن.
ءىس- ساپار بارىسىندا دجون كەرري ەلوردامىزداعى «ازىرەت سۇلتان» مەشىتىنە ارنايى ات باسىن بۇردى. مۇحيتتىڭ ارعى جاعىنان كەلىپ وتىرعان قوناقتى قازاقستان مۇسىلماندارى ءدىني باسقارماسىنىڭ ءتوراعا ورىنباسارى، نايب ءمۇفتي، «ازىرەت سۇلتان» مەشىتىنىڭ باس يمامى سەرىكباي قاجى وراز كۇتىپ الىپ، قاسيەتتى قۇلشىلىق ورداسىنىڭ اتىنان ارنايى سىيلىق تابىستادى.
ايتا كەتەيىك، ا ق ش حاتشىسى ەلىمىزگە ورتالىق ازيانىڭ 5 مەملەكەتىنە ساپارى اياسىندا كەلىپ وتىر. بۇعان دەيىن ول قىرعىزستان مەن وزبەكستاندا بولىپ، وڭىردەگى وزەكتى ماسەلەلەر بويىنشا وتكەن كەلىسسوزدەرگە قاتىسقان بولاتىن.
