تارازدىق جاس بالۋان الەم چەمپيونى اتاندى

استانا. قازاقپارات - تاراز مەملەكەتتىك پەداگوگيكالىق ينستيتۋتىنىڭ ستۋدەنتى دىنمۇحاممەد قازىكەيەۆ گرەك-ريم كۇرەسىنەن جاسوسپىرىمدەر اراسىنداعى حالىقارالىق تۋرنيردىڭ جەڭىمپازى اتاندى.

تۇركيانىڭ ىستامبۇل قالاسىندا وتكەن بايراقتى باسەكەدە 30 عا جۋىق مەملەكەتتەن كەلگەن بالعىن بالۋاندار باقتارى مەن باپتارىن سىنادى، دەپ حابارلايدى تارمپي باسپا ءسوز قىزمەتىنەن.

ءدۇبىرلى دودادا 96 كەلى سالماق دارەجەسىندە 20 جاسوسپىرىم ءوزارا مىقتىنى انىقتاعان. ناتيجەسىندە، د. قازىكەيەۆ «جۇزدەن - جۇيرىك، مىڭنان - تۇلپار شىعىپ»، التىننان القا تاقتى.

«بوز كىلەمدە بەلدەسكەن جاس جىگىتتىڭ جەڭىسكە دەگەن قۇلشىنىسى مەن قۇشتارلىعى قۋانتادى. الداعى ۋاقىتتاردا دايىندىقتى كۇشەيتىپ، ەلىمىزدىڭ ابىرويى مەن بەدەلىن حالىقارالىق دودالاردا اسقاقتاتا بەرەمىز»، - دەيدى توپ جەتەكشىسى، فاكۋلتەت وقىتۋشىسى قونىسجان تانايەۆ.

ايتا كەتەرلىگى، جاس بالۋاندى جارىسقا سەرىك قالدىقۇلوۆ دايىندادى.

اۆتور: مارلان جيەمباي