بىرىككەن اراب امىرلىكتەرىنىڭ اۋە كومپانيالارى سيناي تۇبەگىنىڭ ۇستىمەن ۇشاتىن رەيستەرىن توقتاتتى

ءابۋ- دابي. قازاقپارات - بىرىككەن اراب امىرلىكتەرىنىڭ اۋە كومپانيالارى ەۋروپالىق اۋە تاسىمالداۋشىلارىنىڭ سيناي تۇبەگىنىڭ ۇستىمەن ۇشۋدى توقتاتۋ شەشىمىنە قوسىلدى.

امىرلىكتەردىڭ The National گازەتىنىڭ حابارلاۋىنشا، ءۇش اۋە كومپانياسى - «ەميرەيتس»، «ەير ارابيا» جانە «فلايدۋباي» سەنبى كۇنى رەسەيلىك اۋە كەمەسى اپاتقا ۇشىراعان مىسىردىڭ اۋە كەڭىستىگىندە ۇشۋلارىن توقتاتتى.

ءابۋ- دابي امىرلىگىنىڭ اۋە تاسىمالداۋشىسى - «ەتيحاد» كومپانياسى مىسىردىڭ جەردەگى قىزمەتتەرىنىڭ نۇسقاۋلىقتارىن ۇستانا وتىرىپ، رەيستەرىن سيناي تۇبەگىنىڭ ۇستىمەن ورىنداۋدى جالعاستىرادى.

 جەكسەنبى كۇنى مىسىردىڭ ازاماتتىق قورعانىس ءمينيسترى حوسسام كامال ەل بيلىگى «كوگالىماۆيا» اۋە كومپانياسى رەيسىنىڭ انىقتالعان 122 دەنە جانە تۇلعالارى تانىلماعان 42 جولاۋشىنىڭ سۇيەكتەرى سالىنعان 164 قارالى جۇكتى جىبەرگەنىن مالىمدەدى.