جۇلدىزدى جۇپ تۇركيادان ۆيللا ساتىپ الدى
دەپ جازادى تۇرىك باسىلىمدارى.
ساتىپ الۋ كەلىسىمى ب ا ق وكىلدەرىنەن جاسىرىن تۇردە جاسالعان. جاڭا ۆيللانىڭ اۋدانى 10000 شارشى مەترگە تەڭ. ۇيدە 7 جاتىن بولمە، 2 قوناق بولمە جانە حاۋىز بەن سپورت زالى بار. ال جاڭا ۆيللانى تاڭداۋعا ءارى ساتىپ الۋعا كومەكتەسكەن «پروتو گرۋپ» جىلجىمايتىن مۇلىك اگەنتتىگىنىڭ باسشىسى الەسساندرو پروتو مەن اگەنتتىكتىڭ تۇركياداعى وكىلى ويا پاكتاش ەرلى- زايىپتىلاردىڭ ونى قولما- قول اقشاعا ساتىپ العانىن ايتادى.
ولاردىڭ ايتۋىنشا، دجولي مەن پيتت بۇل ۆيللانى تۇركيانى قاتتى جاقسى كورگەندىكتەرىنەن الۋعا كەلىسىم بەرگەن. ەندى جۇلدىزدى وتباسى 2016 - جىلداعى جازعى دەمالىستارىن تۇركياداعى جاڭا ۆيللاسىندا وتكىزبەك.
39 جاستاعى دجولي مەن ونىڭ 51 جاستاعى جولداسى پيتت التى بالانى تاربيەلەپ وتىر: 13 جاستاعى مەددوكس، 11 جاستاعى پاكس، 10 جاستاعى قىزدارى زاحارا، 8 جاسار قىزدارى شيلو جانە 6 جاسار ەگىز ۆيۆەن مەن نوكسا. ولاردىڭ ورتاق نەكەدەن ءۇش جانە اسىراپ العان ءۇش بالاسى بار.
www.24.kz
