لوندوندا تۇڭعىش رەت قازاق كۇرەسىنەن «بولاشاق بارىسى» تۋرنيرى وتكىزىلدى
«حالىقارالىق باعدارلامالار ورتالىعى» باسپا ءسوز قىزمەتى ماماندارىنىڭ حابارلاۋىنشا، تۋرنيرگە «بولاشاق» باعدارلاماسىمەن بريتانيا ۋنيۆەرسيتەتتەرىندە وقىپ جۇرگەن 16 ستيپەنديات قاتىسقان. بالۋاندار 70 تەن اۋىر سالماقتا سىنعا تۇسكەن.
شارانى ۇلى بريتانياداعى «حالىقارالىق باعدارلامالار ورتالىعى» ا ق وكىلدىگىنىڭ جانە ق ر قازاق كۇرەسى فەدەراتسياسىنىڭ قولداۋىمەن «بولاشاق» باعدارلاماسىنىڭ ستيپەندياتتارى ۇيىمداستىردى.
ستيپەندياتتاردى قولداۋ ءۇشىن لوندون، شەففيلد، رەدينگ، مانچەستەر، بيرمەنگەم، ۋوريك ۋنيۆەرسيتەتتەرىنەن جانكۇيەرلەر جانە قازاقستاننان قوناقتار بارعان.
سونىمەن قاتار، تۋرنير اياسىندا ستيپەندياتتار تەاترلاندىرىلعان قويىلىمدار كورسەتىپ ۇلتتىق ءان، بيلەر ورىندادى.
تۋرنيردە ءبىرىنشى ورىندى 1992-جىلى تۋعان Edgware Academy Language School ۋنيۆەرسيتەتىنىڭ ستۋدەنتى ايدار قويشىبايەۆ جەڭىپ الدى، سالماعى - 80 كەلى. ەكىنشى ورىن 1981-جىلى تۋعان University of Sheffield Master ۋنيۆەرسيتەتىنىڭ ستۋدەنتى اسقار شاراپاتوۆقا (84 كەلى) جانە ءۇشىنشى ورىن 1987-جىلى تۋعان London School of Economics and Political Science ۋنيۆەرسيتەتىنىڭ ستۋدەنتى داۋرەن دۇبەربايەۆقا بۇيىردى (87 كەلى).
