سامارقاندتا سەرىكتەستىك پەن ىنتىماقتاستىقتىڭ بىرلەسكەن دەكلاراتسياسى قابىلداندى
بۇل كەزدەسۋ قىركۇيەكتە نيۋ- يوركتە وتكەن ب ۇ ۇ باس اسسامبلەياسىنىڭ 70- سەسسياسى الاڭىنداعى ۋاعدالاستىققا سايكەس ۇيىمداستىرىلدى.
ق ر س ءى م رەسمي وكىلى التاي ابيبۋللايەۆتىڭ حابارلاۋىنشا، كەزدەسۋ بارىسىندا ورتالىق ازيا ەلدەرىنىڭ ەكونوميكالىق دامۋى، ينۆەستيتسيا تارتۋ، وڭىرلىك ەكونوميكالىق ينتەگراتسيا، سۋ رەسۋرستارىن باسقارۋ، ورتالىق ازيانىڭ كولىك- ترانزيتتىك جانە ەنەرگەتيكالىق الەۋەتىن ارتتىرۋ، اۋعانستانداعى احۋالدى تۇراقتاندىرۋ تۇرعىسىندا وڭىرلىك قاۋىپسىزدىك، شەكارالىق ينفراقۇرىلىمدى جاقسارتۋ جانە تەرروريزممەن، ەكسترەميزممەن كۇرەس، سونىمەن قاتار وڭىردەگى ءبىلىم بەرۋ جانە مادەني- گۋمانيتارلىق بايلانىستار، ەكونوميكانى ءارتاراپتاندىرۋ، يننوۆاتسيا، جاسىل ەكونوميكا، سۋ رەسۋرستارى ماسەلەلەرى باستى نازاردا بولعان.
سامارقاند كەزدەسۋىندە ءسوز سويلەگەن ە. ىدىرىسوۆ تاياۋدا عانا امەريكا قۇراما شتاتتارىندا جاريا ەتىلگەن ورتالىق ازياعا قاتىستى ستراتەگيانىڭ ماڭىزدىلىعىنا ەرەكشە نازار اۋداردى. «ءبىزدىڭ ىنتىماقتاستىعىمىز وڭىردەگى ەلدەردىڭ جانە نەگىزگى سەرىكتەستەردىڭ باسەكەلەستىگىنە ەمەس، قايتا ولاردىڭ ورتاق مۇددەسىنە نەگىزدەلۋى ءتيىس. قازاقستان ا ق ش- تىڭ ستراتەگيالىق سەرىكتەسى رەتىندە مەملەكەتتىك حاتشى دجون كەرريدىڭ ورتالىق ازيا ەلدەرىنىڭ بارلىق ەلدەرىنە العاشقى تاريحي ساپارىن قولداپ، «С5+1» فورماتىن ودان ارى دامىتۋدى جاقتايدى»، - دەدى ق ر س ءى م باسشىسى.
ءمينيستردىڭ پايىمىنشا، ءوڭىردىڭ ەكونوميكالىق دامۋى مەن ينتەگراتسياسى ماسەلەسىندە ناقتى ناتيجەلەرگە قول جەتكىزۋ ءۇشىن ا ق ش- تىڭ حالىقارالىق قارجى ينستيتۋتتارى مەن امەريكاندىق كومپانيالاردى تارتۋدا قولداۋى قاجەت. وسى رەتتە ول ورتالىق ازيانىڭ ەكونوميكالىق دامۋى قورىن قۇرۋدى ۇسىندى.
سونىمەن قاتار ە. ىدىرىسوۆ ب ۇ ۇ باس اسسامبلەياسىنىڭ مەرەيتويلىق سەسسياسىندا ق ر پرەزيدەنتى ن. نازاربايەۆ ۇسىنعان يادرولىق قارۋدان ازات بەيبىتشىلىككە قول جەتكىزۋدىڭ جالپىعا ورتاق دەكلاراتسياسىن، تەرروريزممەن كۇرەستىڭ جالپى قامتىمدى قۇجاتىن قابىلداۋ، جاسىل تەحنولوگيا مەن بالاما ەنەرگەتيكانى ىلگەرىلەتۋ باستامالارىنا ايرىقشا نازار اۋدارتتى.
وتىرىس قورىتىندىسىندا سەرىكتەستىك پەن ىنتىماقتاستىقتىڭ بىرلەسكەن دەكلاراتسياسى قابىلدانىپ، تاراپتار مۇنداي فورماتتاعى كەزدەسۋلەردى تۇراقتى وتكىزىپ تۇرۋعا ۋاعدالاستى.
