21:21, 01 - قاراشا 2015 | GMT +5
ا ق ش مەملەكەتتىك حاتشىسى دجون كەرري قازاقستانعا كەلدى - فوتو
استانا. قازاقپارات - بۇگىن ا ق ش مەملەكەتتىك حاتشىسى دجون كەرري قازاقستاندا كەلدى. ونىڭ ساپارى 3 - قاراشاعا دەيىن جالعاسادى دەپ كۇتىلۋدە.
بۇدان بۇرىن، 1 - قاراشادا ا ق ش مەملەكەتتىك حاتشىسى سامارقاندتا وزبەكستان پرەزيدەنتى يسلام كاريموۆپەن كەزدەستى.
ا ق ش مەملەكەتتىك حاتشىسىنىڭ ورتالىق ازيانىڭ بەس مەملەكەتى - قىرعىزستان، وزبەكستان، قازاقستان، تاجىكستان جانە تۇركىمەنستان ەلدەرىنە ساپارى كۇتىلۋدە. ونىڭ ساپار اياسىندا وسى ەلدەردىڭ جوعارى دەڭگەيدەگى رەسمي تۇلعالارىمەن ەكىجاقتى كەلىسسوزدەر جۇرگىزۋى كوزدەلگەن.
استانا قالاسىندا ا ق ش مەملەكەتتىك حاتشىسى ا ق ش- قازاقستان ستراتەگيالىق سەرىكتەستىك ديالوگى اياسىنداعى ءتورتىنشى كەزدەسۋگە قاتىسىپ، نازاربايەۆ ۋنيۆەرسيتەتىندە جاھاندىق ماسەلەلەردى شەشۋدەگى ورتالىق ازيانىڭ ءرولى تۋرالى ءسوز سويلەيدى دەپ كۇتىلۋدە.
ەسكە سالا كەتسەك، بۇل ا ق ش مەم حاتشىسىنىڭ ورتالىق ازياعا العاشقى ساپارى.
