08:10, 02 - قاراشا 2015 | GMT +5
دوستىق جايلى جاڭا وتاندىق تەلەحيكايا قاراشا ايىنىڭ باسىندا كورەرمەنگە جول تارتادى
استانا. قازاقپارات - 9 - قاراشادان باستاپ دۇيسەنبى- بەيسەنبى ارالىعىندا تەلەكورەرمەندەردىڭ نازارىنا 32 سەريالى وتاندىق «تاڭداۋ» كوركەم تەلەحيكاياسى ۇسىنىلادى،
دەپ حابارلايدى «قازاقستان» ر ت ر ك» ا ق باسپا ءسوز قىزمەتىنەن.
تەلەسەريال پروديۋسەرى - دانيار جانبەكوۆ، قويۋشى رەجيسسەرلەرى - ايدىن ساحامانوۆ، نۇرعيسا ءالمۇراتوۆ.
تۋىندىدا رولدەردى ءابىلمانسۇر سەرىكوۆ، ءاشىم احمەتوۆ، ەسليام نۇرتازين، باقتيار بايسەرىك، اراي راحمەت، گۇلباحرام بايبوسىنوۆا، جانارگۇل جانىامانوۆا، باۋىرجان قاپتاعاي، باقتيار قوجا، گۇلجامال قازاقبايەۆا سىندى ارتىستەر سومدايدى.
تەلەحيكايادا شىنايى دوستىقتىڭ ۇلگىسى كورسەتىلەدى. حيكايانىڭ باستى كەيىپكەرلەرى - عىلىمي جوبامەن اينالىساتىن ءتورت دوس جاڭالىق اشپاق بولادى. جىگىتتەر شەتەلدەن كەلىپ تۇسكەن كوپتەگەن ۇسىنىستارعا قاراماي، ۇلەستەرىن تۋعان ەلدىڭ دامۋىنا قوسۋدى كوزدەيدى.
