شىمكەنتتە كوشەدەگى جاتتىعۋلارمەن اينالىسۋعا ارنالعان الاڭ اشىلدى - فوتو

شىمكەنت. قازاقپارات - شىمكەنت قالاسىندا Street workout-پەن اينالىسۋعا ارنالعان الاڭ اشىلدى.

ول قوشقار اتا وزەنىنىڭ جاعالاۋىندا ورىن العان. مۇندا ارنايى ورناتىلعان تۋرنيكتەردە نيەت بىلدىرگەن ادامدار كەز كەلگەن ۋاقىتتا تەگىن جاتتىعا الادى. تانىستىرىلىمعا قوزعالىستىڭ بەلسەندى قاتىسۋشىلارى، قالا باسشىلارى، تانىمال سپورتشىلار جينالدى.

Street workout تۋرنيكتەر، قوسسىرىقتار، گوريزونتالدى باسپالداقتار بار نەمەسە وسىنىڭ بارلىعى مۇلدەم جوق سپورتتىق الاڭداردا كەشەندى جاتتىعۋلار جاساۋدى بىلدىرەدى. سپورتتىڭ وسىنداي ءتۇرى بۇكىل الەمدە ايگىلى بولىپ وتىر، شىمكەنتتىڭ وزىندە مىڭنان استام بوزبالا كوشەدەگى جاتتىعۋلارمەن اينالىسىپ ءجۇر.

Street workout-پەن اينالىسۋشىلار بۇرىن قالانىڭ ورتالىق ساياباعىندا جاتتىققانى اتاپ وتىلەدى. ەندى قوشقار اتا وزەنىنىڭ جاعالاۋىندا دا جاتتىعۋ مۇمكىن بولدى. ونىڭ قۇرىلىسىنا ينۆەستورلار بولگەن 2,5 ميلليون جۋىق تەڭگە جۇمسالعان. وسىنداي الاڭداردى وبلىستىڭ باسقا اۋداندارىندا دا سالۋ جوسپارلانىپ وتىر.