تارازدا ۇشقىشتاردى دايارلاۋ ورتالىعى جاستاردىڭ ءوز وتانىنا سۇيىسپەنشىلىگىن ارتتىرۋعا باۋلۋدا - فوتو
«ج ا و» ق ب- نىڭ باسشىسى ءارى اۆياتسيالىق ورتالىعىن قۇرۋ يدەياسىنىڭ اۆتورى، زاپاستاعى پودپولكوۆنيك اناتولي كيسيلدىڭ «قازاقپارات» ح ا ا تىلشىسىنە بايانداعانداي، قازاقستاندىق اۆياتسيا ءۇشىن مۇندا 500 دەن استام قىز- جىگىتتەر دايارلاندى. ولاردىڭ اراسىندا 254 پاراشيۋتشى سپورتشى جانە پاراپلانەريست بار.
2000 -جىلى ولار پاراشيۋتپەن ءبىرىنشى رەت سەكىردى، ال ءبىر جىلدان كەيىن اۆياتسيا ورتالىعىنىڭ كۋرسانتتارى تارازدىڭ ەكىمىڭجىلدىق مەرەيتويىن مەرەكەلەۋگە ارنالعان پاراشيۋتپەن سەكىرۋگە قاتىستى، ولاردىڭ ونەرىن قازاقستان پرەزيدەنتى نۇرسۇلتان نازاربايەۆ باقىلادى.
«اۋليە اتا» اۋەجايىندا ورنالاسقان ورتالىق دايىندىقتىڭ كەڭ سپەكترىن ۇسىنۋدا: پاراشيۋتپەن سەكىرۋ، پاراپلاندارمەن ۇشۋ، اسكەري توپوگرافيا، فيزيكالىق، ساپتىق، تاۋداعى جانە اۆياتسيالىق دايىندىق، ت ج- دا امان قالۋ نەگىزدەرى، قول جەكپە-جەگى. اۋەجايدىڭ جەتەكشى ماماندارى اەروديناميكا، ناۆيگاتسيا بويىنشا دارىستەر وقۋدا. كۋرسانتتار ۇشاق پەن تىكۇشاق قۇرىلىسىنىڭ نەگىزدەرىن زەردەلەۋدە.
تارازداعى «جاستار اۆياتسيالىق ورتالىعى» ق ب ق ر جەڭىل اۆياتسيا قاۋىمداستىعى، پاراشيۋت سپورتى فەدەراتسياسى جانە پاراپلانەر سپورتى فەدەراتسياسىنىڭ ادىستەمەلىك بىرلەستىگىمەن قىزمەت ەتىپ جۇرگەن اۆياتسيالىق- سپورتتىق، پاتريوتتىق ۇيىم بولىپ تابىلادى.
تاراز اۆياورتالىعىنىڭ جولداۋىمەن ونىڭ 20 دان استام تاربيەلەنۋشىسى ق ر اۋە قورعانىسىنىڭ اقتوبە اسكەري اۆياتسيالىق ينستيتۋتىندا، رەسەي جانە بەلارۋس ەلدەرىنىڭ اسكەري- اۋە اكادەميالارىندا وقۋدان ءوتتى. داستان اقبولتايەۆ، الەكسەي نامينوۆ، ميحايل سيدورەنكو، الىبەك رايىمقۇلوۆ، انۆار تاسپايەۆ، دامير ترەتياكوۆ، زاريپ مۇسانوۆ جانە باسقالارى ساپتىق اۆياتسيا بولىمدەرىندە قىزمەت ەتىپ، وتان اسپانىن قورعاپ ءجۇر.
قازاقستاندا ق ر ازاماتتىق اۆياتسيا اكادەمياسىنىڭ ۇشقىشتار فاكۋلتەتىنە قابىلدانعان ءبىرىنشى بويجەتكەن - تارازدىق ايگەرىم مولداشەۆا تاراز اۆياتسيالىق ورتالىعىنىڭ تاربيلەنۋشىسى بولىپ تابىلادى.
ۇلى وتان سوعىسىنداعى جەڭىستىڭ 70 جىلدىعىندا «جاستار اۆياتسيالىق ورتالىعى» قوعامدىق بىرلەستىگى بۇل اتاۋلى داتانىڭ قۇرمەتىنە اكتسيا وتكىزدى. شارانىڭ وتكىزىلگەن ورنى - تيانشان تاۋلارىنىڭ تاۋ جوتاسى - كىشى ماناس جوتاسىندا بولدى. ماناس شىڭىنا جەتكەن كۋرسانتتار مەملەكەتتىك سيمۆول - قازاقستان رەسپۋبليكاسىنىڭ تۋىن كوتەرىپ، وتانعا ادال قىزمەت كورسەتۋ انتىن قابىلدادى.
