نەكەنىڭ ادام اعزاسىنا تيگىزەر تاعى ءبىر شيپاسى اشىلدى

استانا. قازاقپارات - جۇرەگىنە وتا جاساتقان پاتسيەنتتىڭ (ناۋقاستىڭ - رەد.) نەكە قيدىرۋى ونىڭ اعزاسىنا وڭ اسەر ەتىپ، دەنساۋلىعىنىڭ جاقسارۋىنا سەپتىگىن تيگىزەدى.

امەريكالىق عالىمداردىڭ تۇجىرىمى وسىنداي. وسىعان قاتىستى زەرتتەۋ جۇرگىزگەن عالىمدار سوڭعى ەكى جىلدا جۇرەگىنە وتا جاساتقان جانە اتالعان مەرزىم ارالىعىندا ومىردەن وزعان 1576 ادامدى باقىلاعان ەكەن.

ولاردىڭ 65 پايىزى ۇيلەنگەندەر بولسا، 12 پايىزى اجىراسىپ كەتكەندەر، ال جەسىر قالعاندار - 21 پايىزدى قۇراعان، نەكە قيدىرماعاندارى - 2 پايىزدان اسپاعان. العاشقى توپتاعىلاردىڭ كوبىسى ەرلەر جانە وتادان كەيىن دەنساۋلىقتارى نىعايعان كورىنەدى. ال جەسىر قالعانداردىڭ نەمەسە اجىراسقانداردىڭ اراسىندا وتادان كەيىن جۇرەگى قايتا سىر بەرگەندەر قاراسى 40 پايىزدان اسىپ كەتكەن.