07:50, 01 - قاراشا 2015 | GMT +5
عالىمدار قانداي جۇمىستىڭ سەمىزدىككە شالدىقتىراتىنىن انىقتادى
استانا. قازاقپارات - ادەلايدا ۋنيۆەرسيتەتىنىڭ عالىمدارى جۇمىس سيپاتى مەن سالماق قوسۋ قاۋپى اراسىنداعى بايلانىستى زەرتتەدى، دەپ حابارلايدى segodnya.
شىعارماشىلىق ەركىندىك مەن ارنايى داعدىلاردى پايدالانۋدى قاجەت ەتەتىن جۇمىس ادامعا ارىقتاۋعا كومەكتەسەتىنى، ال كوپ شەشىمدەر شىعارۋدى تالاپ ەتەتىن قىزمەت كەرىسىنشە، ارتىق كەلىلەردى قوسۋعا سەبەپ بولاتىنى انىقتالدى.
عالىمدار ونى ورتا جاستاعى 450 اۆستراليالىق ازاماتتىڭ دەنساۋلىق جاعدايىنا باقىلاۋ جاساۋ ارقىلى انىقتاعان.
زەرتتەۋ قورىتىندىلارى شىعارماشىلىق ەركىندىكتە بولىپ جانە تار شەڭبەردە مامانداندىرىلعان ىستەرمەن اينالىسقان قىزمەتكەرلەردىڭ سەمىزدىككە بەيىمدىلىگى تومەن بولعانىن كورسەتتى. ال كوپ شەشىمدەر شىعارۋىنا تۋرا كەلگەن مەنەدجەرلەر كۇيزەلىس كەزىندە كوپ تاماقتانىپ، ارتىق سالماق قوسقان.
