جاپونيا مەن قازاقستان اراسىنداعى دوستىقتىڭ سيمۆولىنا اينالعان سپورتشى

الماتى. قازاقپارات - وليمپيادا ويىندارىنىڭ قولا جۇلدەگەرى دەنيس تەن جاپونيا مەن قازاقستان اراسىنداعى دوستىقتىڭ سيمۆولىنا اينالدى.

وسىنداي ويىن جاپونيا پرەمەر-ءمينيسترى سيندزو ابە نازاربايەۆ ۋنيۆەرسيتەتى ستۋدەنتتەرىنە وقىعان ءدارىسى بارىسىندا جەتكىزدى، دەپ حابارلادى وقۋ ورنىنىڭ باسپا ءسوز قىزمەتىنەن.

ەسكە سالا كەتەيىك، جاپونيا پرەمەر-ءمينيسترى سيندزو ابە 26-28- قازان ارالىعىندا قازاقستانعا رەسمي ساپارىمەن كەلگەن بولاتىن.

«كوكجيەكتىڭ ارعى بەتىندە جاپونيا ەلى بار. جاپون حالقى سىزدەردى وتە قۇرمەت تۇتادى. ءبىز قالاي ءوزىمىزدىڭ داڭقتى مانەرلەپ سىرعاناۋشىمىز ماو اسادانى قۇرمەت تۇتامىز. تۋرا سولاي دەنيس تەنگە دەگەن ىقىلاسىمىز ەرەكشە»، - دەدى جاپون ۇكىمەتىنىڭ باسشىسى.

تەن كۇنشىعىس ەلىندە وتە بەدەلدى سپورت ءتۇرى مانەرلەپ سىرعاناۋ بويىنشا وتە تانىمال. 2015-جىلعى چەمپيونات بارىسىندا جەرگىلىكتى مەترو دەنيس تەننىڭ سۋرەتىمەن بەزەندىرىلگەنىن اتاپ ءوتۋ كەرەك. دەنيس جاپون مۇز شوۋى ۇيىمداستىرۋشىلارىنان ۇنەمى شاقىرتۋ الادى.

توكيودا وتكەن كوماندالىق چەمپيوناتتا ەكى رەت قۇرمەتتى قوناق رەتىندە قاتىستى.

سونداي-اق دەنيستىڭ جاپونيادا فان-كلۋبى بار. ولار سپورتشىمەن بىرگە ساياحاتتاپ جۇرەدى. «دەنيس تەن جانە دوستار» مۇز ايدىنى شوۋىنا جىلدا كۇنشىعىس ەلىنەن 500 تۋريست كەلەتىنى بەلگىلى. 2014-جىلى شوۋدىڭ كورىگىن اتاقتى ەكى جاپون سپورتشىسى ماو اسادا مەن داەسۋكە تاكاحاسي قىزدىردى.

ءدال قازىر ءتورت قۇرلىقتىڭ چەمپيونى تەن الماتىدا مەديتسينالىق تەكسەرۋدەن وتپەك.

ايتا كەتەيىك، ول وتكەن اپتادا «Skate America»   2015- 2016 گران-پري كەزەڭىندە جامباس سۇيەگى جاراقاتىمەن ونەر كورسەتكەن بولاتىن. ەندى ول بوردودا 13-15- قاراشادا وتەتىن  «Trophee Eric Bombard» بايقاۋىندا باق سىناماق.

دەنيس تەن 1993-جىلى 13- ماۋسىمدا الماتىدا تۋعان. ق ر ەڭبەك سىڭىرگەن سپورت شەبەرى، ق ر ۇلتتىق قۇراماسىنىڭ مۇشەسى، پرەزيدەنتتىك «استانا» كاسىبي كلۋبىنىڭ مۇشەسى، ق ب ت ۋ ستۋدەنتى.

اۆتور: گۇلميرا عوسمانالي