مىسىردا اپاتقا ۇشىراعان جولاۋشىلار ۇشاعىنىڭ سىنىقتارى تابىلدى

استانا. قازاقپارات - مىسىردىڭ سيناي تۇبەگىنىڭ ورتالىعىندا اپاتقا ۇشىراعان رەسەيلىك ازاماتتىق ۇشاعىنىڭ سىنىقتارى تابىلدى، دەپ حابارلايدى «يوۋم7».

باسىلىمنىڭ مالىمەتتەرىنشە، مىسىردىڭ قاۋىپسىزدىك كۇشتەرى اپات بولعان جەردى قورشاۋعا الدى، سينايدىڭ سولتۇستىگىندەگى ءال-اريش قالاسىنان اپات قۇرباندارى ەۆاكۋاتسياسى ءۇشىن جەدەل جاردەم قىزمەتىنىڭ جيىرماعا جۋىق كولىگى جىبەرىلدى.

بۇعان دەيىن حابارلانعانداي، «كوگالىماۆيا» اۋە كومپانياسىنىڭ «شارم-ەش-شەيح - سانكت-پەتەربور» 9268 باعدارىن ورىنداعان Airbus-321 اۋە لاينەرى مىسىردان جەرگىلىكتى ۋاقىت بويىنشا ساعات 6:21 دە ۇشىپ شىعىپ، 23 مينۋتتان كەيىن رادار ەكراندارىنان جوعالىپ كەتكەن. اۋە كەمەسىنىڭ بورتىندا 217 جولاۋشى مەن 7 ەكيپاج مۇشەسى بولعان.