روزا رىمبايەۆا ەل الدىندا بۇرىن-سوڭدى بولماعان كونسەرت بەردى

استانا. قازاقپارات - بويىنداعى تالانتىمەن تالايدى ءتانتى ەتكەن روزا رىمبايەۆاعا ەلىكتەمەگەن ونەر ادامى جوق شىعار، ءسىرا. حالىق ءارتىسىنىڭ ءانىن ايتىپ، قيمىلىن قايتالادى.

 ونەرى ءومىرىنىڭ مانىنە اينالعان، ءانشىنىڭ ءان عۇمىرى «ءاليادان» باستالدى. بۇل ءان روزانىڭ جۇلدىزىن جاعىپ تەك ەلىمىزدە عانا ەمەس شەتەلگە دە تانىمال ەتتى.

  بيىل ءانشىنىڭ ساحنا تورىندە جارقىراپ كورىنگەنىنە 40  جىل! وسى مەرەيتويلىق كەشىن ءانشى دۇركىرەتىپ ساحنادا اتاپ ءوتتى. "ەرتەڭىمە سەنەمىن" اتتى شىعارماشىلىق كەشىندە 32 ءاندى ءۇش ساعات بويى وركەستردىڭ سۇيەمەلدەۋىمەن شىرقادى.

روزا رىمبايەۆا، ق ر حالىق ءارتىسى:

 - مەن باقىتتى ءانشىمىن دەپ ويلايمىن. سەبەبى، ءبىرىنشى كۇننەن باستاپ وسى ساحناعا شىققاننان باستاپ كورەرمەن مەنى قابىلدادى. سوندىقتان سول ماحابباتقا سول كورەرمەننىڭ قۇرمەتىنە سايكەس بولۋ كەرەكپىن. سول ءۇشىن مەن ايانباي ەڭبەك ەتەمىن.

تۋرا كونسەرت كۇنى ءانشىنىڭ تۋعان كۇنى. ءبىرى گۇل سىيلاپ جاتسا، ەندى ءبىرى قولدارىنا اقشا قىستىرىپ كەلىپتى.

 بۇرىن- سوڭدى تەك ساحنادا عانا ءان ايتىپ كورەرمەن نازارىن تەك وزىنە اۋدارتاتىن ءانشى قۇدايبەرگەن بەكىشيەۆ بۇگىن كورەرمەن زالىندا.

 جۇلدىزدى قۇتتىقتاپ كەلگەن ونەر يەلەرىنىڭ اراسىندا ەرەكشە توسىن سىي جاساعاندارى دا بولدى. ءانشى ءمادينا سادۋاقاسوۆا حالىق ارتىسىنە اپپاق كويلەك تارتۋ ەتتى. ءدال وسىنداي سىيلىقتى 16 جىل بۇرىن ءماديناعا ءانشى «ساحنانىڭ ءسانى بول» دەپ سىيلاپتى.

 ءتىپتى، حالىق ءارتىسى ءمادينانىڭ سىيىنا قۋانعانى سونشا ساحنا سىرتىندا بيلەپ تە الدى.

 ءانشى مەرەيتويىن ەل الدىندا بۇرىن- سوڭدى بولماعان كونسەرت بەرىپ وتكىزدى. بۇعان دەيىنگى كەشتەرىندە تەك ءوزى عانا ءان شىرقاسا، بۇل جولى روزانىڭ اندەرىن ءانشى الماس كىشكەنبايەۆ، نۇرجان كەرمەنبايەۆ، رۇستەم نۇرجىگىتوۆتەر ورىنداسا، ال رىمبايەۆامەن دۋەت ايتقاندار ءمادينا سادۋاقاسوۆا، «وردا» توبى، ماقپال يسابەكوۆا جانە ءمولدىر اۋەلبەكوۆالار بولدى. ولاردىڭ اندەرىن حالىق تا جاقسى قابىلدادى.

 حالىق ءارتىسىنىڭ 40  جىلدىق شىعارماشىلىق كەشىنە قولداۋ كورسەتىپ ءارى قۇتتىقتاۋعا الماتى اكىمى باۋىرجان بايبەك تە جارىمەن كەلىپتى.

 اندەردى تاڭداۋ، ولاردى وڭدەۋمەن قاتار كونسەرتكە اتسالىساتىن مۋزىكانتتاردىڭ بارلىعىن اسا ىجداحاتتىلىقپەن تاڭداعان روزانىڭ ۇلى - ءالي وقاپوۆ. ۇيىمداستىرۋدىڭ بارلىعىن ءوز موينىنا العان.

قازاق حالقىنىڭ ماقتانىشى روزا رىمبايەۆانىڭ ونەردە جۇرگەنىنە 40  جىل تولسا دا ءانشى ەڭبەكتەنۋىن توقتاتپاق ەمەس.

31.kz