ەلباسى: جاڭا ا پ ك- عا ەلىمىزدىڭ قۇقىقتىق جۇمىسىن الەمدىك ستاندارتتاردىڭ وزىق دەڭگەيىنە جەتكىزەتىن وزگەرىستەر ەنگىزىلگەن
بۇگىن اقوردادا العاش رەت جاريا تۇردە ەلىمىزدىڭ جاڭا ازاماتتىق پروتسەستىك كودەكسىنە قول قويعان ق ر پرەزيدەنتى نۇرسۇلتان نازاربايەۆ وسىلاي دەدى.
ەلباسى ءوز سوزىندە جاڭا ازاماتتىق پروتسەستىك كودەكسكە ەلىمىزدىڭ قۇقىقتىق جۇمىسىن الەمدىك ستاندارتتاردىڭ وزىق دەڭگەيىنە جەتكىزەتىن وزگەرىستەر ەنگىزىلگەنىن اتاپ ءوتتى.
«بىرىنشىدەن، قازاقستان جاڭا جىلدان باستاپ 5 بۋىندى سوت جۇيەسىنەن 3 بۋىندى سوت جۇيەسىنە كوشەتىن بولادى. ەكىنشىدەن، ينۆەستيتسيالىق داۋلاردى قاراۋدىڭ جاڭا ءتارتىبى ەنگىزىلەدى. سول ارقىلى ەلىمىزدە جاڭا جاعدايدا ەكونوميكالىق دامۋ ءۇشىن ماڭىزدى ءرول اتقاراتىن ينۆەستيتسيالىق تارتىمدىلىعى ارتا تۇسەدى»، - دەدى ق ر پرەزيدەنتى.
مەملەكەت باسشىسىنىڭ ايتۋىنشا، ۇشىنشىدەن، ازاماتتىق سوت جۇرگىزۋ ىسىندە اقپاراتتىق تەحنولوگيالار كەڭىنەن قولدانىلادى. سوتتىڭ اتقارىپ جاتقان جۇمىسى بارلىق ەل ءۇشىن جاريالى بولادى. بۇل جاعداي سوت جۇمىسىنىڭ انىقتىلىعىن ايتارلىقتاي جاقسارتادى.
«تورتىنشىدەن، تاتۋلاستىرۋ جانە سوتقا دەيىنگى رەتتەۋ شاراسىنىڭ قولدانىلۋ اياسى كەڭەيەدى. تاتۋلاسۋ شاراسىن كەڭىنەن قولدانۋ سوت جۇيەسىنە جۇكتەمەنى ازايتاتىن بولادى. ەڭ باستىسى، داۋدى شەشۋ مەرزىمى قىسقارادى»، - دەدى ەلباسى.
اۆتور: مارلان جيەمباي
