قىز بەن جىگىت جانارىنداعى الەم

استانا. قازاقپارات - جىگىتتەر ءۇشىن بارلىعى وڭاي، ال بويجەتكەندەر ءۇشىن كەرىسىنشە بارلىعى قيىن. مۇنىڭ سەبەبى نەدە ەكەنىن بىلەسىز بە؟

حالىقارالىق كۇلەگەش، سپيكەر مارك گۋنۆور وسى «ماڭگىلىك سۇراقتىڭ» جاۋابىن انىقتاۋعا تىرىسقان ەكەن. ونىڭ قولىنان كەلگەن سياقتى.

ول جىگىتتەردى شكافقا ۇقساتتى. ولار ءۇشىن بارلىعى رەتىمەن، ورىن-ورنىمەن تۇرادى. مىسالى، اتا-اناسى ءبىر سورەدە، سۇيىكتىسى ەكىنشىسىندە، جۇمىسى ۇشىنشىسىندە دەگەندەي. اۆتوموبيل مەن اقشاعا ارنالعان بولەك سۋىرمالارى دا بار.

جىگىتتەر ءۇشىن ءبىر وتە ماڭىزدى ەرەجە بار. ول - ءبىر سورەنى رەتكە كەلتىرمەي جاتىپ، باسقالارىنا تيىسۋگە بولمايدى دەگەن ەرەجە. سوندىقتان جىگىتتەر بەلگىلى ءبىر سۇراقتى تالقىلاپ وتىرعان كەزدە، ءبىر عانا سورەنى پايدالانادى.

ال بويجەتكەندەردىڭ جاعدايى مۇلدەم باسقا. گۋنۆور ولاردىڭ ميىن الىپ شارعا ۇقساتادى. ونىڭ ىشىنە ءبارى سيادى جانە قانشا «وي» سالساڭ دا، جارىلمايدى. سوندىقتان ولار بارلىعىن ءبىر-بىرىمەن بايلانىستىرادى: مەكتەپ ج و و- مەن، ج و و- جۇمىسپەن، جۇمىس جىگىتپەن، جىگىتى بالالارىمەن، بالالارى بولاشاعىمەن بايلانىستى. ال مۇنىڭ بارلىعىن ەموتسيا باسقارادى. وسىنىڭ ارقاسىندا قىزدار ەشتەڭەنى ۇمىتپايدى. مىسالى، قىزىڭىزدىڭ ەسىندە ءبىر نارسەنىڭ قالعانىن قالاساڭىز، ونى ەموتسياسىمەن بايلانىستىرىڭىز.

جىگىتتەردە كەرىسىنشە، كەيدە ءتىپتى باسقا سورەلەردىڭ بار ەكەنىن دە ۇمىتىپ كەتىپ جاتادى. ولاردىڭ ءبىر قۇپياسى بار. ول - «بوس قوراپ». كوپ جىگىت وسى بوس قوراپتى اشىپ، راحاتتانعاندى ۇناتادى. ال ول بوس قوراپ ەشكىم جوق، تىنىش جەردە اشىلادى.

وسىدان بىرنەشە جىل بۇرىن جىگىتتەردىڭ ميىندا مۇنداي بوس قوراپتىڭ بولاتىندىعىن پەنسيلۆانيا ۋنيۆەرسيتەتىنىڭ ماماندارى دا مويىنداعان بولاتىن. وكىنىشكە وراي، بويجەتكەندەردە مۇنداي قاسيەت جوق ەكەن. ولار دەمالىپ، تابيعات اياسىندا وتىرسا دا، بىرنارسەنى ويلاپ، الاڭداپ وتىراتىن كورىنەدى.

massaget.kz