الەمنىڭ ەڭ قۇرعاق ءشول دالاسى گۇلگە وراندى
بۇعان اتاكاماداعى سوڭعى ايلاردا جاۋعان جاۋىن-شاشىن سەبەپ بولۋى مۇمكىن، - دەپ حابارلايدى ر ي ا نوۆوستي.
عالىمداردىڭ ايتۋىنشا، بۇل جاعداي ەل-نينو دەپ اتالادى تابيعي قۇبىلىستىڭ اسەرىنەن بولعان. ول تىنىق مۇحيتىنىڭ بەتىندەگى سۋدىڭ جىلىنۋىنان پايدا بولادى. سونىمەن قاتار، ءشول دالادا گۇل وسىمەن ەكىنشى رەت گۇلدەپ وتىر ەكەن. اتاكاما تۇڭعىش رەت ناۋرىز ايىندا گۇلدەگەن بولاتىن.
ايتا كەتەيىك، ءشول دالانىڭ بۇلاي گۇلدەۋى جەرگىلىكتى تۋريستىك فيرمالارعا تابىس اكەلىپ جاتىر ەكەن. گۇلدەگەن ءشولدى كورگىسى كەلەتىندەردىڭ سانى كۇن ساناپ ارتىپ جاتىر. ولاردىڭ سانى ادەتتەگى جاعدايمەن سالىستىرعاندا 40 پايىزعا ارتىپتى.
اتاكاما ءشولى جەر شارىنىڭ ەڭ قۇرعاق جەرى سانالادى. ونىڭ كەي جەرلەرىندە جاڭبىر تەك ونداعان جىلداردان كەيىن جاۋادى. ال كەي جەرلەردە مەتەوستانتسيالار اتاكامادا ءتىپتى دە جاڭبىردىڭ جاۋعانىن تىركەمەگەن. وسى شولدە اۋا دىمقىلدىعى - 0 پايىز.
