قازعارىش كانادا عارىش اگەنتتىگىمەن كەلىسىم ورناتادى

استانا. قازاقپارات - استانادا ق ر ي د م اەروعارىش كوميتەتىنىڭ (قازعارىش) ءتوراعاسى تالعات مۇسابايەۆتىڭ باسشىلىعىمەن كانادانىڭ «UrtheCast CORP» كومپانياسىنىڭ وكىلدەرىمەن كەڭەس بولىپ ءوتتى، دەپ حابارلايدى قازعارىشتىڭ باسپا ءسوز قىزمەتىنەن.

شاراعا بيزنەستى دامىتۋ بويىنشا ۆيتسە-پرەزيدەنتتەر بەدزيۋك سەرگەي ۆاسيليەۆيچ پەن باررەيرو لوپەز الفونسو، رەسەي جانە ت م د- دا بيزنەستى دامىتۋ بويىنشا ديرەكتور كورنيەنكو ميحايل الەكسەيەۆيچ، سونداي-اق «قازاقستان عارىش ساپارى ۇ ك» ا ق- نىڭ باسشىلىعى قاتىستى.

«UrtheCast CORP»  كومپانياسى «Gen-3» جۇمىس اتاۋى بار جەردى قاشىقتىقتان بارلاۋ (ج ق ب) سپۋتنيكتىك توپتى تانىستىردى.

كەڭەس قورىتىندىلارى بويىنشا كانادانىڭ «UrtheCast CORP»   كومپانياسىمەن «KazSAR» قازاقستاندىق راديولوكاتسيالىق عارىش اپپاراتىن قۇرۋ جوباسىن ىسكە اسىرۋ اياسىندا ودان ءارى ىنتىماقتاسۋ ماسەلەسىن قاراستىرۋدى جالعاستىرۋ شەشىلدى.

بۇدان باسقا، قازعارىش پەن كانادالىق عارىش اگەنتتىگىنىڭ اراسىندا ۆەدومستۆوارالىق كەلىسىم ورناتۋ شەشىمى قابىلداندى.