سەمەيلىك كاسىپكەر ءوز قارجىسىنا سپورت دارىندارىنا ارنالعان ينتەرنات سالۋدا
جاڭا نىسان 1№ سپورت مەكتەبىنىڭ جانىنان بوي كوتەرمەك. بۇل ساۋاپتى شارۋاعا بەل شەشىپ كىرىسىپ وتىرعان بەلگىلى كاسىپكەر، وبلىستىق ءماسليحات دەپۋتاتى اسەمحان دوسقوجانوۆ.
جالپى اۋماعى 4700 شارشى مەتردى الاتىن ينتەرناتتا دەمالىس، وقۋ، تۇرمىستىق بولمەلەرى، جۋىنۋعا ارنالعان ورىندار بولادى. بۇدان بولەك 100 ورىندىق اسحانا، مەديتسينالىق كابينەتتەر دە دارىندى بالالارعا قىزمەت ەتپەك.
ينتەرناتقا شالعاي اۋىلدان كەلگەن تالاپتى بالالار قابىلدانادى. ولار وبلىستىق نەمەسە رەسپۋبليكالىق تۋرنيرلەردىڭ جەڭىمپازى بولۋى ءتيىس. مۇندا وليمپيادالىق سپورت تۇرلەرىنەن دايىندالاتىن بولادى. بالالار سپورتتىق كيىمدەرمەن، قۇرال-جابدىقتارمەن، وقۋ قۇرالدارىمەن، تەگىن تاماقپەن جانە جارىستاردىڭ ءىس-ساپارلىق شىعىندارىمەن دە تولىق قامتاماسىز ەتىلەدى. ينتەرنات 2016-جىلدىڭ تامىز ايىندا ىسكە قوسىلادى دەپ جوسپارلانعان.
فوتو: tverigrad.ru
