پاۆلوداردا قاعازسىز قۇجات رەسىمدەۋ جۇيەسىن ەنگىزدى
قازىرگى ۋاقىتتا قۇجاتتاردى قاعازسىز رەسىمدەۋ تەحنولوگياسى پاۆلودار وبلىسىندا قولدانىلادى. جاڭا جۇيە جۇكتى جىبەرۋشىلەر مەن قابىلداپ الۋشىلارعا قىزمەت كورسەتۋدە تەمىر جولشىلاردىڭ جۇمىس ساپاسىن ارتتىرا تۇسپەك، دەپ حابارلادى ۇلتتىق كومپانيانىڭ باسپا ءسوز قىزمەتىنەن.
ش ك ج ا ب ج تاپسىرمالاردى ۇيىمداستىرۋ ۇدەرىسىن اۆتوماتتاندىرۋدى، قۇجاتتاردى راسىمدەۋ، جۇك تاسىمالدارىنىڭ تولەماقىسى، الدىن الا ەلەكتروندى اقپاراتتاندىرۋ سەكىلدى وپەراتسيالاردى قامتيدى.
شارتتىق جانە كوممەرتسيالىق جۇمىستى باسقارۋدىڭ جاڭا جۇيەسى وڭ ناتيجە كورسەتىپ جاتىر. بۇل تەحنولوگيانى جۇك جىبەرۋشىلەر زاماناۋي ءارى ىڭعايلى دەپ باعالادى. قاعازسىز تەحنولوگياعا كوشۋ كوپتەگەن كەلىسىمدەر مەن بەكىتۋلەردەن بوساتىپ، جۇمىستىڭ تيىمدىلىگىن ارتتىرادى.
- بۇرىن كومىردى ءتيىستى جەرىنە جونەلتۋ ءۇشىن تاپسىرىستى تەك جۇكتى شىعاراتىن اتىعاي ستانساسىنا عانا ەمەس، پاۆلودار جول بولىمشەسىنە دە جىبەرتۋ كەرەك بولاتىن. قازىر بارلىعى وتە ىڭعايلى. قۇجاتتاردى كەڭسەدەن شىقپاي ازىرلەيمىز، - دەدى «انگرەنسور ەنەرگو» ج ش س لوگيستيكا بولىمشەسى باستىعىنىڭ ورىنباسارى دانارا ابديلدينا.
ول سونداي-اق، كليەنت/تولەۋشىنىڭ جەكە شوتىندا اقشا قوزعالىسىن قاداعالاۋعا مۇمكىندىك بەرەتىن، «جۇك تاسىمالدارىن ەسەپتەۋ ءۇشىن تۇتىنۋشىنىڭ جەكە كابينەتى» قىزمەتىنىڭ ىڭعايلىلىعىن اتاپ ءوتتى.
كەلەسى جىلدان باستاپ، شارتتىق جانە كوممەرتسيالىق جۇمىستى باسقارۋدىڭ جاڭا جۇيەسى (ش ك ج ا ب ج) قازاقستاننىڭ بۇكىل اۋماعىندا قولدانىسقا ەنگىزىلەدى.
