مەنى جارىنىڭ قاسىنان قالمايدى دەپ سوكپەڭىزدەر - ايعان جولداسوۆا

استانا. قازاقپارات - بەلگىلى ءانشى، سازگەر ۇلىقپان جولداسوۆتى جارى ايعان ساۋلاۋبەك قىزى كوپشىلىك الدىندا اعىنان جارىلدى.

تانىمال جارىنىڭ قاسىنان قالمايتىن سياقتى كورىنەتىن ايعان حانىم مۇنىڭ سىرىن ايتىپ بەردى.

«ەڭ العاش رەت 1996 -جىلى ۇلىقپان جولداسوۆتىڭ جەكە كوممەرتسيالىق باعىتتاعى (ول كەزدە تەك فيلارم ۇيىمداستىرۋىمەن مەملەكەتتىك كونسەرتتەر بولاتىن) كونسەرتىن ءوزىم ۇيىمداستىردىم. افيشاسىن شىعارىپ، جاپسىرۋعا دەيىن ءوز قولىممەن جاساعان بولاتىنمىن. ونداي پروديۋسەر كەمدە-كەم شىعار. ءبىراق سول كەشىمىزگە ادام سىيماي، ەكىنشى كونسەرت بەرىپ، ەڭبەگىم اقتالعان ەدى. سول كەزدەن باستاپ بۇگىنگە دەيىن كونسەرتتەر ۇيىمداستىرۋ، گاسترول، سەمكا، فوتوسەسسيا ءبارى دە مەنىڭ موينىمداعى شارۋا. ال ۇلىقپان انىمەن اينالىسادى. سەبەبى شىعارماشىلىق ادامىنا اكىمشىلىك جۇمىس كەرىسىنشە كەدەرگى بولادى. سوندىقتان مەنى «جارىنىڭ قاسىنان قالمايدى، نە ىستەپ ءجۇر» سوگە كورمەڭىزدەر. مەن قانشا جىل بويى پروديۋسەردىڭ جۇمىستارىن اتقارىپ كەلگەنمىن، قازىر دە ورتالىعىمىزدىڭ شارۋالارىمەن اينالىسامىن»، - دەدى ايعان حانىم.

«زامان»، «ديەتا Kz"، «داۋىس Kz"  جانە ت. ب توپتاردىڭ پروديۋسەرى ۇلىقپان جولداسوۆ پەن ونىڭ جارى ايعان جولداسوۆا بولات جانە فاريدا اتتى ۇل- قىزى تاربيەلەپ وتىر. ۇل- قىزدارى ونەردەن قۇر الاقان ەمەس.

P.S.

وسى رەتتە «تابىسقا جەتكەن كەز كەلگەن ەركەكتىڭ ارتىندا نە تەكتىدەن العان جارى، نە تەكتىنى تۋعان اناسى تۇرادى» دەگەن ءسوز ويعا ورالادى.