مۇنايدىڭ الەمدىك باعالارى ا ق ش- تاعى قورلاردىڭ مالىمەتتەرىمەن ءوسىپ جاتىر

استانا. قازاقپارات - ساۋدا مالىمەتتەرى كۋالاندىرىپ وتىرعانداي، الەمدىك مۇناي باعالارى ا ق ش- تاعى «قارا التىن» قورلارى تۋرالى حابارلامالار نەگىزىندە وڭ سەرپىن كورسەتىپ وتىر، دەپ حابارلايدى ر ي ا نوۆوستي.

Brent ماركالى سولتۇستىكتەڭىزدىك مۇناي قوسپاسىنىڭ جەلتوقسانداعى فيۋچەرستەرىنىڭ قۇنى 0,73 پايىزعا ءوسىپ، ءبىر باررەل ءۇشىن 49,16 دوللاردى قۇرادى. WTI ماركالى مۇنايدىڭ باعاسى 0,39 پايىزعا ءوسىپ، ءبىر باررەل ءۇشىن 46,24 دوللارعا دەيىنگى باعانى كورسەتتى.

«قازان ايىنىڭ سوڭىندا مۇنايدىڭ باعاسى السىرەۋ بەلگىلەرىن كورسەتپەي تۇر. ا ق ش- تاعى قورلار ءوسۋىن جالعاستىردى. ا ق ش ەنەرگەتيكا مينيسترلىگىنىڭ مالىمەتتەرى قورلاردىڭ بەس جىلعى ورتاشا ماۋسىمدىق مانىنەن 100 ميلليون باررەل جوعارى بولىپ قالىپ وتىرعانىن كورسەتىپ وتىر»، - دەپ جازادى IG Markets ستراتەگى بەرنارد اۋدىڭ (Bernard Aw) سوزدەرىن فرانس پرەسس اگەنتتىگى.