اقمولا وبلىسىندا ۇرىلاردى سوڭىنان قۋىپ، وق اتقان ەر ادام ءوزى ءىستى بولدى
بۇل تۋرالى وبلىستىق ءى ءى د باسپا ءسوز قىزمەتىنەن حابارلادى.
پوليتسەيلەردىڭ مالىمەتى بويىنشا، 29- قازان كۇنى ەرەيمەنتاۋ اۋداندىق ءى ءى ب كەزەكشىلىك بولىمىنە 29 جاستاعى جەرگىلىكتى تۇرعىن حابارلاسىپ، ءۇش بەلگىسىز ادامنىڭ «م ت ز-80» تراكتورىنىڭ دوڭگەلەگىن جانە ءبىر قويدى «فولكسۆاگەن- پاسسات» كولىگىنە ارتىپ، تايىپ تۇرعانىن ايتىپ شاعىمدانعان.
وسى كەزدە، زارداپ شەگۋشى تانىسىن الىپ، «اۋدي- ۆ 4» كولىگىمەن «ۇرىلار» وتىرعان «فولكسۆاگەن- پاسسات» كولىگىن قۋىپ جەتىپ، دوڭگەلەگىنە وق اتقان. مىلتىقتىڭ داۋىسىنان شوشىنعان ۇرىلار كولىكتى تاستاپ قاشقان.
ەر ادامنىڭ سوزىنە قاراعاندا 12 كاليبرلى «ي ج-18م» مىلتىعى تىركەلمەگەن جانە ونى وسىدان 10 كۇن بۇرىن مال باعىپ جۇرگەندە جولباسشى اۋىلىنىڭ ماڭىنان تاۋىپ العان.
ال، ۇرلىققا كۇدىكتى دەگەن 27-28 جاس ارالىعىنداعى جىگىتتەردىڭ ايتۋىنشا، ولاردىڭ ۇرلىققا ەش قاتىسى جوق، ەرەيمەنتاۋ اۋدانىنىڭ اقمىرزا اۋىلىنان شىعىپ، تانىستارىن جەتكىزىپ سالىپ قايتىپ كەلە جاتقاندا جولباسشى ەلدى مەكەنىندە تۇراتىن بۇرىنعى تانىستارىنا سوققان. كەيىن پاۆلوۆكا اۋىلىنا بەت العان.
تەرگەۋ امالدارى بارىسىندا «م ت ز-80» تراكتورىنىڭ دوڭگەلەگى مەن قويدىڭ ۇرلانعانى انىقتالمادى.
وسىعان وراي، بۇلىنگەن «فولكسۆاگەن- پاسسات» كولىگىنە قاتىستى 29 جاستاعى ەر ادامنىڭ ۇستىنەن ق ر ق ك 202-بابىنىڭ 1- ءبولىمى بويىنشا (بىرەۋدىڭ مۇلكىنە قاساقانا زيان كەلتىرۋ نەمەسە جويۋ) قىلمىستىق ءىس قوزعالدى.
سونىمەن قاتار، 12 كاليبرلى «ي ج-18م» مىلتىعىنا بالليستيكالىق ساراپتاما تاعايىندالدى.
اۆتور: اسلان وسپانوۆ
