ايدىن ايىمبەتوۆ: عارىشتا شاعىن عانا جەر عالامشارىندا بارلىعىمىز ءبىر وتباسى ەكەنىمىزدى ەرەكشە انىق تۇسىنەسىڭ - فوتو
عارىشكەردىڭ اتىراۋ جەرىندە وتكىزگەن ءبىرىنشى كەزدەسۋى حالەل دوسمۇحامەدوۆ اتىنداعى مەملەكەتتىك ۋنيۆەرسيتەتتىڭ ستۋدەنتتەرىمەن ءوتتى.
«مەن ءۇشىن بارلىق قازاقستاندىقتارعا، ءبىرىنشى كەزەكتە جاستارعا عارىشتا بولعان كەزىمدە بويىمداعى سەزىمدەر گامماسى تۋرالى بايانداپ بەرۋ وتە ماڭىزدى. عارىشتا مۇندا، شاعىن عانا جەر عالامشارىندا، بارلىعىمىز ءبىر وتباسى ەكەنىمىزدى ەرەكشە انىق تۇسىنەسىڭ. جانە بارلىعىمىز ەلدەرگە، ودان قالدى ۇلتتار مەن ۇلىستارعا بولىنبەي ءبۇتىن ءبىر وتباسى سياقتى تۇرۋىمىز قاجەت ەكەنىن ۇعىناسىڭ. بارلىعىمىز - جەر تۇرعىندارى. بارلىعىمىز ءۇشىن ەڭ باستىسى - ادامدارعا قىزمەت ەتۋ بولۋ كەرەك»، - دەدى ا. ايىمبەتوۆ ستۋدەنتتەرگە ارناعان سوزىندە.
«ءسىزدى تۋعان جەرىمىزدە كورگەنىمىزگە قۋانىشتىمىز. ءبىز ءۇشىن باتىرسىز. بۇل كەزدەسۋدەن كەيىن بارلىعىمىز تاعى ءبىر رەت ءوز وتانىمىز، ءبىزدىڭ ۇلى قازاقستان، وتان يگىلىگى ءۇشىن نە ىستەي الاتىنىمىز تۋرالى تاعى ءبىر ويلانىپ قالاتىنىمىزعا سەنىمدىمىن»، - دەدى قوناققا ارناعان سوزىندە وبلىس اكىمىنىڭ ورىنباسارى شىڭعىس مۇقان.
ا. ايىمبەتوۆ عارىشكەرلەر جاساعىندا دايىندىقتىڭ قالاي وتەتىنى، حالىقارالىق ستانسا ەكيپاجىمەن بايلانىستىڭ قالاي جۇرەتىنى تۋرالى مۇقيات بايانداپ، ستۋدەنتتەردىڭ سۇراقتارىنا جاۋاپ بەردى.
